Neyləsin bu ürək çarəsiz qalıb
Köksünə min əzab-min dərdi salıb
Cismim üzərinə ağır yük olub
Bir heç oldu, hədər oldu cavanlığın
****
Yardım istə yaxın duran olmayacaq
Dar günündə sənlə kimsə qalmayacaq
Dost dediyin səni yada salmayacaq
Başdan sona kədər oldu cavanlığım
****
Əl açaraq dua etdim yaradana
Məni möhtac eləmə heç bir insana
Puç olanda ömrüm rahat yetsin sona
Yarı qalmış əsər oldu cavanlığım
Azərbaycan - Türkiyyə
Bir-birini sevəcək,
Doğru yolla gedəcək
Düşməni dəf edəcək
Azərbaycan, Türkiyə
****
Sülhü sevən bir ölkədir
Xainlərə dərs verir
Cahanda güc qüvvədir
Azərbaycan, Türkiyə
****
Vətənpərvər insan
Məhv edəcək nadanı
Təbliğ edir İslamı
Azərbaycan, Türkiyə
Uğurları qabaqdadır
Arzuları qucaqdadır
Atəşi bir ocaqdadır
Azərbaycan, Türkiyə
Təbiət
Gözəl gülün ətri gəlir
Gülün dilin güllər bilir
Güldə gülə baxıb gülür
Varam belə gözəlliyə
***
Quşların cikkilti səsi
Təbiətin xoş nəğməsi
Qarçiçəyi, bənövşəsi
Varam belə gözəlliyə
***
Baxdıqca dərdim azalır
Gözlərim xəyala dalır
Çiçəklər min rəngə çalır
Varam belə gözəlliyə
Vəfasız
Söndü ürəyimin yanan atəşi
Doğrunu yalana qatdın vəfasız
Mən səni baş tacım zənn eyləmişdim
Sən məni yadlara satdın vəfasız
***
Gündüzüm qaranlıq gecəyə döndü,
Bilmədim neyləyim, nə edim sənsiz
Dinib danışmadan təmiz eşqimi
Çıxarıb qəlbimdən atdın vəfasız
***
Söylə bircə dəfə yandın oduma
Bir günüm keçmədi başı bəlasız
Sən ,səni sevəni alıb qarşına
Arzu muradına çatdın vəfasız
Qadınlar
Bir güldən də zəifdir
Qəlbi kövrək qadınlar
Ailənin baş tacıdır
Bizə gərək qadınlar
***
Analar bu dünyada
Şərəfimiz, şanımız
Bacılar qürurumuz,
Candan əziz canımız
***
Var olasız həyatda
Gülə bənzər qadınlar
Daima gülsün üzünüz
Doğma ,əziz qadınlar
***
Xoş arzu, xoş diləklə
Xəyallara dalasız
Bu gözəl kainatda
Sizi xoşbəxt olasız
Bütün günah məndədir
Qəlbimi verdim sənə,
Ömrümü verdim sənə,
Dəyər vermədin mənə
Qəbahət sevəndədir
***
Sona yetdi eşqimiz
Ayrılsaq da səninlə
Bu bəxtsiz məhəbbətin
Acısı sinəmdədir
***
Unutmuşam dünəni
Atmaz sevən, sevəni
Sevməyəydim kaş səni
Bütün günah məndədir
A gözəl
Gəlişinlə ömrümə bahar gətirdin
Arzu istəyimi kama yetirdin
Qüssəni, kədəri, qəmi bitirdin
Mən səni sevməyim, neynim a gözəl
***
Sevənlər gec ya tez qovuşar əlbət
Bu sevgi çoxuna olacaq ibrət
Ömrümə günəş tək saçdı məhəbbət
Mən səni sevməyim neynim a gözəl
***
Çoxları paxıllıq eylədik bizə
Kim nə söyləsə də baxmadım sözə
Elə ki baxanda gözlər göz gözə
Sevmişdi ürəyim səni lap əzəl
Mən səni sevməyim neynim a gözəl
Bileydim
İlk eşqim, mələyim, canım, cananım
Hər hacı günümə şərik olanım
Ay mənim dərdimə candan yananım
Kaş ki, səni birdə görə bileydim
***
Bir anlıq yadına düşdü xəyalın
Alma yanaqların, şirin vüsalın
Həsrətin çəkmişəm hüsnü camalın
Kaş ki, səni birdə görə bileydim
***
Bir günüm il oldu illərim əsr
Yaşamazdım dərdi, qəmi öləydim
Bİr azad dünyada olmuşam əsir
Arzum səni birdə görə biləydim
***
Saçlarım ağardı, ruhum qocaldı
Fikrim düşüncəmi ağlımı aldı
Məni məndən alıb çöllərə saldı
Gülüm səni birdə görə bileydim
***
Taqətsizəm dizlərim bükülməmiş
Əllərinlə göz yaşımı sileydin
Elə bu səhərdən yeri sökülməmiş
Kaşki, səni birdə görə bileydim
***
Ulduzlar şahiddir yatmıram yuxu
Maraqla halıma baxırlar çoxu
Sancılıb sinəmə ayrılıq oxu
Səni bircə dəfə görə bileydim
***
O uzun saçları gülüm hörəndə
Baxıb gözlərimə gülümsəyəydin
Gül bağında lalə, nərgiz dərəndə
Kaşki, səni birdə görə biləydim
Qarabağ
Ümüdlər puç oldu, arzular bitdi
Neçə mərd oğullar, igidlər getdi
Duman arzusuna gör necə yetdi
Adın kimi bəxtin oldu Qarabağ
***
Unutmaq olarmı qəmli dünəni
Düşündükcə olanlar dağlar sinəmi
Bir ana fəryadı məhv edib məni
Min xəyala, dərdə saldı Qarabağ
***
Şəhidlər torpaqdan altında yatır
Yağı torpağımdan mənə tərs baxır
Bu Vətən həsrəti qəlbimi sıxır
Qayıt geri zaman doldu Qarabağ
***
Həmin vaxt su yerinə qan idi axan
Sinəmə dağ çəkib, yandırıb yaxan
Yaralı ataya boylanıb baxan
Körpə uşaq yetim qaldı Qarabağ
***
Hara baxıramsa axıdılıb qan
Ev, eşik hər tərəf viran
Məscidlər, məktəblər, yer ilə yeksan
Sağalmaz yaradı, xaldı Qarabağ
***
Kaşki, geri qayıdardın bir anda
İnsaf yoxdur dərd artırır zamanda
Ətir saçan quşlar üçan bağçanda
Çox çiçəklər, güllər soldu Qarabağ
Millətin sevinci, nəşəsi idin
Kəlbəcər, Zəngilan, Cəbrayıl, Şuşa
Vətənin ən gözəl guşəsi idin
Düşmən səni bizdən aldı Qarabağ
***
Xankəndi, Xocavənd, Laçın, Ağdərə
Söndü bəxt ulduzun yüzlərlə ocaq
Öz-özünə alışıb, yandı dağ-dərə
Adın kimi bəxtin oldu Qarabağ
***
Füzuli, Xocalı, Ağdam, Qubadlı
Bir qarış qalmadı arlı-abadlı
Oğullar var idi qollu-budaqlı
Ana şirin Vətən baldır Qarabağ
Adın kimi bəxtin oldu Qarabağ
Mübariz İbrahimov
Şəhidlik zirvədir Ən uca dağdı
Şərəfin,qeyrətin dildə soraqdır
Beş günlük dünyada hamı qonaqdır
Xalqn yaddaşında qaldı Mübariz
***
Sənintək oğlun alim qardaşın
Aciz düşmənlərin verdi bəalsın
Qəhrəmancasına alıb qisasın
Haqı öz yolunu bildi Mübariz
***
Ey mərd şücaətli oğlu vətənin
Qalmışdı xainlər Qarşında aciz
Qorxub çəkinmədən aciz düşmənin
Köksünə atəşi saldı Mübariz
***
Murdarlıq bulaşan nursuz üzlərin
Layili olanlar ən pis sözlərin
Əli top tüfəngli əlli ,yüzlərin
Tək özü içinə daldı Mübariz
***
Düz dünya danışır şücaətindən
Doğma Vətəninə sədatindən
Qorxmadı ölüşdən,şəhadətindən
Əl çatmaz bir zirvə oldu Mübariz
Yarım bizə qonaq gəl
Sən mələksən nur gətir
Sevinc gətir, nur gətir
Nəyin varsa dur gətir
Yarım bizə qonaq gəl
***
Sanki qəlbim döyünür
Həsrətinə dayanmır
Təbiət də oyanmır
Yarm bizə qonaq gəl
***
Bülbülərin səsiylə
Durnalar dəstəsiylə
Yazın xoş nəğməsiylə
Yarım bizə qonaq gəl
***
Ağlayan yox,gülən yox
Heç dərdimi bilən yox
Göz yaşmı silən yox
Yarım bizə qonaq gəl
Məni
Dərdlərim min budaq olub
Çəkib,sağdan sola məni
Alovlanan təmiz eşqim
Salıb haldan-hala məni
***
Könül sevər, sirdaş olar
Sevməyən ürək daş olar
Sənsiz həyatım boş olar
Gəl aldatma bala məni
***
Sevmirsənsə söylə bilim
Nə ayım var, nədə ilim
Deməyədə gəlmir dilim
Nöş verirsən yola məni
Körpələr
Qəlbimin sevincidir
Baldan şirin körpələr
Başı üstə dayanmır
Ana deyir nəğmələr
***
Əziz balam ,gül balam
Yat yuxun şirin olsun
Böyüyüb başa çat ki,
Arzuların çin olsun
***
Bir xoşbəxtlik bəxş edir
Göz açanda dünyaya
Körpə gözəlliyindən
Nur çilənir hər yana
Tənhalıq
Əldə deyil bacarsaydım günəş olub saçardım
Qanad açıb bu dünyadan uzaqlara uçardım
Bəlkə mavi səmalarda ay-ulduzun yannda
Göy üzünü seyr edərdim bir anlıq
Bəsdi artıq sıxdı məni tənhalıq
***
Əl üzərək bu dünyanın dövlətindən –malından
Unudardım acısını, qüssəsini,qəmini
Bir insan ki, ayrı düşüb yarından
Həyat kədər ömür oldu viranlıq
Bir zərbəylə yıxdı məni tənhalıq
***
Sonadək qismətim olmadı sevmək
Şox gördü bu tale sevgini mənə
Bu acı həsrətə olarmı dözmək
Çökdü dünyamıza zülmət qaranlıq
Yandırıb köksümü yaxdı tənhalıq
Qarşılıqsız sevgi
Öldü düyğularım sən gedən gündən
Nə sevgi anladım,nə də məhəbbət
Zənn etdim sağam mən, döyünür qəlbim
Mənə qalan hicran,acı bir həsrət
Sevgisiz yaşamaq mümkündür məgər
Yoxluq dəryasına qərq oldu ömrüm
Ağladım,sızladım çarəsizlikdən
Bir yalan sevgiyə sərf oldu ömrüm
***
Güllər açan bağda soldu güllərim
Eşqimin ayrılıq yoluna gəldim
Puç oldu həyatım getdi illərim
Mən onsuz sevginin sonuna gəldim
Türkün ordusu
Şərəflə vuruşar bir an yorulmaz
Xainə dərs verər , qəddi qırılmaz
Kİmsəyə baş əyməz, qula, qul olmaz
Allahın quludur türkün ordusu
***
Savaş onlar üçün düyün, təntənə
Addım atsın aman verməz düşmənə
Öz canını qurban verər Vətənə
Uludan uludur türkün ordusu
***
Düşməni öz mənfur qanında boğan
Axşam qürüb edib, sübh çağı doğan
Məğlubiyyət onlara olub qadağan
Zəfərlə doludur türkün ordusu
Damla qanı belə olmasın hədər
Yan keçməsin nə qəm,qüssə,nə kədər
Türkün bir yolu var o haqqa gedər
Haqqın öz yoludur türkün ordusu
Ana
Yatmayıb gecələr laylamı çalardın
O ağ saçlarınla şahə ucaldın
Məni böyüdərkən niyə qocaldın
Mən sənin qədrini bilmədim ana
***
Səni oyadarkən şirin yuxudan
Bilmədin neylədin qəfil qorxudan
Qorudun sən məni yaddan, oğrudan
Mən sənin qədrini bilmədim ana
***
Min bir əziyyətmi, əzabmı çəkdin
Məni əzizləyib göz yaşı tökdün
Mənim üçün sən qəlbini sökdün
Mən sənin qədrini bilmədim ana
***
İstəsən canımı fəda eylərəm
Dərdimi yaxına yada söylərəm
Sənsiz bu həyatda axı neylərəm
Mən sənin qədrini bilmədim ana
Ata
Atalar övladın ömür çırağı
Atasız həyatın mənası yoxdur
Dar gündə insanın odur dayağı
Atasız həyatın mənası yoxdur
***
Gecəni gündüzə qatıb çalışır
Həyatda mübariz olub yarışır
Əyriyə düz deyib, ata barışır
Övladı bu həyatda var olsun deyə
***
Atalar qazanır çörək pulunu
Göstərir düzgünü haqqın yolunu
Boynuma dolayır ata qolunu
Söyləyir bu canım qurbandır sənə
Ay oğul, can oğul layiq ol mənə
Ey İnsan
Ey insan gəl uyma cinə, şeytana
Gözlərin ümüdlə baxsın sabaha
Saf ,təmiz qəlbinlə aç əllərini
Şükür eylə hər zaman uca Allaha
***
Hər kəs bu həyatda çəkəcək sınaq
Nəfsinə hakim ol batma günaha
Əbədi deyilik gəlmişik qonaq
Şükür eylə hər zaman uca Allaha
***
Qıyma günahsıza məhv etmə canı
Sən bir səbəb olma naleyi aha
Xəlq edib yaradan bütün dünyanı
Şükür eylə hər zaman uca Allaha
***
Sıxma ürəyini kasıbsan deyə
Aldanma dövlətə, vara , tamaha
Əyilməz başını qaldırıb göyə
Şükür eylə hər zaman uca Allaha
Oğul
Bu dünyada hər şey gəldi – gedərdi
Çəkdiyimiz qəm qüssədir, kədərdi
Bir düşünsən ömür belə hədərdi
Bircə şərəfini itirmə oğul
***
Dost bildiyin sənə düşmən olanı
Üzdə gülüb arxanca iş quranı
Dar gündə sənə zərbə vuranı
Nadan süfrənə gətirmə oğul
***
Sol yanından ayrı tutma yarını
Qoru saxla ismətini, arını
İtirsən də mal-mülkünü varını
Bircə şərəfini itirmə oğul
***
Ölüm haqdır qorxma qəti ölümdən
Günəş tək qürub et yenidən doğul
Yürü öz yolunla,öz addımınla
Bircə şərəfini itirmə oğul
Rəcəb Tayyib Ərdoğan
Vətən adlı yuva qurdu
Ayaq üstə dimdik durdu
Düşmənlərə yara vurdu
Rəcəb Tayyib Ərdoğan
***
Sən millətin pənahı
Uğurlu bir sabahı
Türk dünyasının şahı
Rəcəb Tayyib Ərdoğan
***
Boy-buxunu cüssəsi
Maşallah o gur səsi
Addındır haqq kəlməsi
Rəcəb Tayyib Ərdoğan
***
Öndə tutdün islamı
Sevdin hər bir insanı
Məhv edəcək nadanı
Rəcəb Tayyib Ərdoğan
***
Yoxdur tayın dünyada
Cəsarətli mərd insan
Səninləyik hər zaman
Sonadək yola davam
***
Onu səsləyən xalqa
Millətinə səs verdi
Gəlsin Türkiyə
Yeni bir nəfəs verdi
***
Daim dedin irəli
Addım atmadın geri
Sən bir dünya lideri
Rəcəb Tayyib Ərdoğan
***
Gecə-gündüz demədən
Yoruldum söyləmədən
Xalqna xidmət edən
Rəcəb Tayyib Ərdoğan
***
Haqqa gedən yolundan
Çəkilsin qara duman
Var olasan hər zaman
Rəcəb Tayyib Ərdoğan
Şer
Şairin dərdi var kimə söyləsin
Zaman deyir sakit qaçın, tələsin
Həyat ürəyini sıxır hər kəsin
Mənim dərdlərimin sirdaşı şer
***
Elə ki artanda qəmim , nisgilim
Dayana bilməyir qələmsiz əlim
Tərpənir dodağım, danışır dilim
Mənim dərdlərimin sirdaşı şer
***
Dərəni dolaşıb dağı gəzərəm
Çəməni, çöllüyü gözlə süzərəm
Sözü bax gör sözə necə düzərəm
Mənim dərdlərimin sirdaşı şer
***
Şairəm sinədən gəlir sözlərim
Baxışı mənalı qara gözlərin
Bu cənnət vətəni eyləsin seyr
Mənim dərdlərimin sirdaşı şer
Kəndimiz
Dağı dərəsi var, düzü ,çəməni
Yaşıl otlaqları sanki səməni
Ağaclar boy atıb qayalar təni
Nə qəşəng görünür gözə kəndimiz
***
Şəfalı yerləri, gur bulaqları
Baxçası, bostanı, meyvəsi,barı
Dadlı nemətlərin gözəl diyarı
Nə qəşəng görünür gözə kəndimiz
***
Zövq alır hər baxan mənzərəsindən
Quşlar ciggildəşən o xoş səsindən
Mən fərəh alıram hər bir kəsindən
Nə qəşəng görünür gözə kəndimiz
Allah
Ey bulud səsindən yer – göy titrədi
Külək yaman əsdi tufan kükrədi
Şimşək şaqqıltısı sanki nərədir
Yaradan hər şeyə qadirdir Allah
***
Kim haram yeyir, günah iş görür
Kimi göz qırpmadan adam öldürür
İnsanı düz yoldan nələr döndürür
Gəl etmə günahı şahiddir Allah
***
Qəlbi kinlə dolub vurur aranı
Yara üsdən təzələyir yaranı
Oxu adəm oğlu gözəl Quranı
Təkdir bu dünyada vahiddir Allah
***
Tövbə et heç zaman etmə pis əməl
Ayıl əyri yoldan doğru yola gəl
Zikr eylə, namaz qıl, aç Allaha əl
Dilə nə istəsən sahibdir Allah
Əbədi sevgi
Qəlbimin səsini dinlədim bir an
Bu ürək sənin üçün gör nələr edib
Gözlərim yağacaq bir bulud kimi
Yoxluğun o yaşı dondurub gedib
***
Səni bənzətmişdim bir gözəl gülə
Xoş keçən ömrümün hakimi idin
Bu qəlbim dənizdə kiçik bir ada
Sənsə o adanın sakini idin
***
Fikrimi, zənnimi boşa çıxardın
Mən səni heç vaxtı satmaram yada
Sən öz taleyini qoşa çıxardın
Səndən başqa kimsə sevmərəm bu dünyada
Səni
Düşdün qismətimə qızıl balıq tək
Sənlə həyatımda açdı gül –çiçək
Arzu diləyimsən ey gözəl mələk
Bəxtimə yazıbdır yaradan səni
***
Gözləri sürməli əli xınalı
Yaşaya bilmərəm səndən aralı
Bir ömür yarım ol dağlar maralı
Bəxtimə yazıbdır yaradan səni
***
Sən gəldin unutdum qüssəni –qəmi
İncə baxışların lal etdi məni
Ölsəm başqasına yar eyləmərəm
Bəxtimə yazıbdır yaradan səni
Mənim əziz qardaşlarım
Dar gündə bir-birinə
Yaxşı dost dayaq olar
Çagırıb səsləyəndə
Eşidək, soraq olaq
Qoy itməsin həyatda
Şərəfimiz ,şanımız
Dua edək Allaha
Ömrümüzün hər anı
Ya rəbbim sən qovuşdur
Yardan ayrı qalanı
İstəmərəm kimsənin
Gür çırağı sönməsin
İnsan şeytana uyub
Haqq yolundan dönməsin
Mənim əziz dostlarım
Vətən həsrəti
And içsəm yerinə
Bu torpaq üçün hər kəsin
Vətən ulu diyarım
Vuran qəlbim,nəfəsim
***
Cümlə cahan bilirki
Yaralıdır canımız
Vətən üçün dövr edir
Damardakı qanımız
***
Bir gülə bənzəyir bu
Açmamış sola bilmək
Çox çətin ağır dərddir
Vətənsiz qala bilmək
Sevgimizin sonuncu payızı
Əsdi payız küləyi
Nəsə birtəhər oldum
Yarpaqlar yerə düşdü
Gözləri yaşla doldu
***
Neçə payız ötüşdü
Beləsi olmamışdı
Ağaclar yarpaqların
Heç belə yolmamışdı
***
Çox səsləndim sevgilim
Səsimə səs vermədin
O həmişəki yerimizə
Hey çağırdım gəlmədin
***
İsdəməzdim bu payız
Kədər olsun ömrümə
Mən öləndə gələrsən
Payız adlı qəlbimə
Azərbaycan əsgəri
Qorxu bilməzlər qəti
Sərhədlərdə diqqətli
İldırım tək sürətli
Azərbaycan əsgəri
***
Sevir dağı,təpəni
Xoşdur arzu,əməli
Get inamla irəli
Azərbaycan əsgəri
***
And içib o unutmaz
Bir addım yaxın tutmaz
Düşmən hiyləsin tutmaz
Azərbaycan əsgəri
***
Səngərdə bir qoçaq tək
Vuruş düşmənə qarşı
İnşallah zəfər çalacaq
Sən oxu vətən marşı
Azərbaycan əsgəri
Son məktub
Yazdığım bu sözlər dərdimə ortaq
Məndən üz döndərib işıqlı gündüz
Qaranlıq gecələr açıbdır qucaq
Sevgilim bu sənə son məktubumdur
***
Hər kəsin son yeri məzardır-məzar
Kimi aldanaraq yolunu azar
Kimi bu həyatda doğrunu yazar
Sevgilim bu sənə son məktubumdur
***
Bir payız yağışım,qışda da qarım
Sən idin ümidim yazım, baharım
Artır gündən –günə qəmim ,qübarım
Sevgilim bu sənə son məktubumdur
***
Hər günüm acılı,ömür virandı
Qüssəli yaşamaq qəlbə ziyandı
Bir də gördün yazıq ürək dayandı
Sevgilim bu sənə son məktubumdur
***
O ötən illəri düşündükcə mən
Dağlayır sinəmi xatirələrin
Neylədin belə tez əl üzdün məndən
Bu sənə yazdığım son məktubumdur
***
Yalnızlıq çətindir alışmaq olmur
Tutulubdur nitqim danışaq olmur
Bu neçə taledir barışmaq olmur
Sevgilim bu sənə son məktubumdur
***
Həyat bir anidir biləsən gərək
Sevəndə sonadək sevəsən gərək
Səndən başqasını sevməz bu ürək
Sevgilim bu sənə son məktubumdur
Zəmanə
Bu həyat çox sıxır anlamaz məni
Ümidim qalmasın zərrə gümana
Artır gündən –günə saçımın dəni
Şair niyə belə oldu zəmanə
***
Kim –kimə inanır, kimə güvənir
Ömrün xoş çağından güllər ələnir
Dərdimin üstünə dərd səpələnir
Saralıb gül təki soldu zəmanə
***
Döyünən ürəyim dayansın gərək
Amansız dövranə dözərmi ürək
Kəsənlər bilmədi nədir düz çörək
Nifrətlə,kin ilə doldu zəmanə
***
Aldanıb dövlətə,vara gedirik
Geniş dünyamızdan dara gedirik
Bilmirəm bir belə hara gedirik
Bilmirəm bir belə hara gedirik
Sonu bilinmyən yoldu zəmanə
***
Sanki zəmanəmiz başsızdır, duldur
Kim,kimə ağadır,kim –kimə quldur
Namusda, şərəfdə, qeyrətdə puldur
Bir işə yaramaz çüldu zəmanə
***
Namərd qarşısında qul tək dikilib
Kimlər üz döndərdi dinə-imanə
Sanki doğulduğu ərşə çəkilib
Yalandan,böhtandan boldu zəmanə
Nicat Eyyubov
Bütün xəbərlər Facebook səhifəmizdə