Bu qanlı 20 yanvar gecəsi
Al qana bulanıb bütün küçələr
Bu qanlı iyirmi yanvar gecəsi.
Sökülüb,dağılıb bütün döngələr
Bu qanlı iyirmi yanvar gecəsi.
Al qanın şəfəqi andırır gölü
Bu gün qan ağlayır həyatın özü
Nə qədər qan tutar gör küçə gölü?
Bu qanlı iyirmi yanvar gecəsi.
Ağlayır analar, ağlayır Vətən
Biganə qalmayır yollardan ötən
Nə qədər şirindir gör ana-vətən?
Bu qanlı iyirmi yanvar gecəsi.
Tarix bağışlamaz buna kimsəni
Al qana buladı denən kim səni?
Atəşə tutdular dinən kimsəni
Bu qanlı iyirmi yanvar gecəsi.
Küçədə sahibsiz qalıbdır papaq
Matəm içindədir bu ana torpaq
Qəfil güllələrdən töküldü yarpaq
Bu qanlı iyirmi yanvar gecəsi.
Olmasın həyatda belə bir talan
Tarix cəzasını verəcək inan
Nə qədər olarmış həyatda yalan?
Bu qanlı iyirmi yanvar gecəsi.
Dəhşət bürümüşdür ana torpağı,
Istəməz əksilsin bircə yarpağı
Yox olsun vətənə soxulan yağı,
Bu qanlı iyirmi yanvar gecəsi.
Qeyrətinə qurban olum
(Salatının əziz xatirəsinə)
Dözümlüydün o yaşında
Səninləydi qardaşında
Budur qalan yaddaşımda
Qeyrətinə qurban olum.
Vətən darda qalmamışdı
Elin səni sınamışdı?
De kim səni qınamışdı?
Qeyrətinə qurban olum.
Sanma ki, sən oldun yalqız
Həsrətində göydən ulduz
Harda sən tək qeyrətli qız
Qeyrətinə qurban olum.
Yaşayırsan ürəklərdə
Əməllərdə, diləklərdə
Belə deyir küləklər də
Qeyrətinə qurban olum.
Dərdə dözür Vətən – anan
Mərd övladdır elə yanan
Düşmənindir alovlanan
Qeyrətinə qurban olum.
Vətən üçün yaşamısan
Ölümdən də qorxmamısan
El gözündə ucalmısan
Qeyrətinə qurban olum.
Döz bu millətin dərdinə
Qəm gölündə tək üzürəm
Bircə azadlıq gəzirəm
Heç kim dözməz, mən dözürəm
Döz bu millətin dərdinə.
Haqq nə qədər üzülərmiş
Xalqım dərdlərə dözərmiş
Vətənində vətənsizmiş
Döz bu millətin dərdinə.
Millətimdir pərən-pərən
Günahları nəymış görən?
Millətimə itmiş hürən?
Döz bu millətin dərdinə.
Bir qarın ac, bir qarın tox
Ölən-itənin sayı çox
Düşmənimin payı çox
Döz bu millətin dərdinə.
Harda görən ulu tanrı?
Niyə susdurmur dığanı
Başına alıb dünyanı
Döz bu millətin dərdinə.
Ancaq məndə bir inam var
Sabahıma bir güman var
Dığa geri oturdular
Döz bu millətin dərdinə.
Azərbaycan şəhidləri
Ayaq saxla, bir an dayan
Salınıbdır bir xiyaban
Yatır burda qoca, cavan
O günlərin şahidləri
Azərbaycan şəhidləri.
Arzuları puç oldular
Qoca, cavan heç oldular
Bir gecəlik köç oldular
O günlərin şahidləri
Azərbaycan şəhidləri.
Xiyabanım uzun, geniş
Kəsilməyir gəliş, gediş
Nədən oldu görən bu iş
O günlərin şahidləri
Azərbaycan şəhidləri.
Yatma, oyan, Azərbaycan
Əldən gedir millətimiz
Hanı bizim qeyrətimiz?
Tükəndimi qüdrətimiz?
Millət bu gün ağlayır qan
Yatma, oyan, Azərbaycan.
Bir kimsədə yox gözümüz
Doğru, düzgün hər sözümüz
Günahkarıq bir özümüz
Millət bu gün ağlayır qan
Yatma, oyan, Azərbaycan.
Əlimizdə üç rəng bayraq
Millətlərə olduq dayaq
Hər bir xalqdan bizdə qonaq
Millət bu gün ağlayır qan
Yatma, oyan, Azərbaycan.
Əl çəkəkmi doğma eldən
Səni sevdik cani dildən
Imdad yoxdur bir kimsədən
Millət bu gün ağlayır qan
Yatma, oyan, Azərbaycan.
Şan-şöhrətin eli gəzə
Gəlməyəsən səni gözə
Sevinc gətir qəlbimizə
Millət bu gün qan ağlayır
Yatma, oyan, Azərbaycan.
Bütün xəbərlər Facebook səhifəmizdə
USD
EUR
GBP
RUB
