Bizim işimiz haqq işi,
Yolumuz haqq yoludur.
Hər şeydən əziz Vətən
Müqəddəsdir, uludur.
Tarixi torpaqları
Düşməndən alacağıq.
İşğaldan azad edib
Sahibi olacağıq.
Tarixi ədaləti
Bərpa edəcəyik biz.
Elliklə o yerlərə
Birgə gedəcəyik biz.
Vətən müharibəsi
Başladığı bir gündə
Müsəlləh bir əsgərtək
Hər kəs öz səngərində
Ali Baş Komandanın
Dinlədi Çağrışını,
Müdrik, mətin, mübariz
Alovlu çıxışını.
İnamla səs verdi xalq
Rəhbərin haqq səsinə,
Vətən müharibəsinin
Şanlı qələbəsinə.
Xalqımın vuran qəlbi
Bir ümman tək döyündü.
Birliyi, həmrəyliyi
Dəmir yumruğa döndü.
Qalxıb o Dəmir yumruq
Döyüşdə qalib oldu.
Rəhbər, ordu, xalq birgə
Etimadı doğrultdu.
Qalxıb o Dəmir yumruq
Hünərlə Zəfər çaldı.
Birliyin, həmrəyliyin
Rəmzi kimi ucaldı.
ŞƏMİSTAN GÖYÇƏLİ
Bütün xəbərlər Facebook səhifəmizdə