Yeni növ koronavirus (Covid-19) peyvəndini ilk inkişaf etdirən Almaniyanın biotexnologiya şirkəti "BioNTech" 2021-ci ildə peyvənd satışlarını artıraraq 10,3 milyard avro xalis mənfəət əldə edib.
SİA-nın əldə etdiyi məlumata görə, "BioNTech" 2021-ci il üçün maliyyə nəticələrini açıqlayıb.
Buna görə, şirkətin xalis mənfəəti 2021-ci ildə xalis gəlirlərinin artması ilə 10,3 milyard avroya çatıb.
"BioNTech" 2020-ci ildə 15,2 milyon avro mənfəət əldə etdiyini açıqlayıb.
"BioNTech"in ümumi gəlirləri 2020-ci ildəki 482,3 milyon avrodan keçən il 18,97 milyard avroya yüksəlib, səhm üzrə qazanc isə 0,06 avrodan 39,63 avroya yüksəlib.
"BioNTech" bu il bağlanmış 2,4 milyard doza "Covid-19" peyvəndi tədarükü müqavilələrindən 13-17 milyard avro gəlir əldə etməyi gözləyir.
Şirkət AR-GE (Araşdırma-İnkişaf) fəaliyyətlərinə 1,5 milyard avro xərcləməyi planlaşdırır.
Keçən il "BioNTech" peyvənd istehsalındakı tərəfdaşı "Pfizer" ilə 165-dən çox ölkəyə 2,6 milyard dozadan çox "Covid-19" peyvəndi tədarük edib.
"BioNTech" həmçinin 2021-ci maliyyə ili üçün 4,8 milyard avro vergi ödəyəcəyini açıqlayıb.
Alman biotexnoloji şirkəti digər xəstəliklər arasında malyariya və vərəmin müalicəsini inkişaf etdirməyə cəhd edərkən "Omicron" variantına xas olan peyvəndin sınaqlarını da aparır.
Bütün xəbərlər Facebook səhifəmizdə
USD
EUR
GBP
RUB