“Şahdəniz 2” layihəsi üzrə ilk qazın hasilatı üzrə ümumi işlər 100 faiz, avadanlıqlar və qurğular üzrə görüləcək işlər 94 faiz yerinə yetirilib. “Şahdəniz-2” layihəsi çərçivəsində 30 iyun 2018-ci il tarixindən Türkiyəyə ilk qaz həcminin nəqlinə başlanılıb. Bu barədə SİA-ya Azərbaycan Respublikası Energetika Nazirliyindən məlumat verilib.
Məlumatda deyilir ki, Cənubi Qafqaz Boru Kəmərinin Genişləndirilməsi (CQBKG) üzrə tikinti işləri 100 faiz tamamlanıb. Ümumi inkişaf 100%-dir. Layihə üzrə yekunlaşdırma işləri davam edir. 2019-cu ildə nəql həcmi 16,1mlrd. m3 olub.
TANAP qaz boru kəmərinin inşası üzrə işlərin 100 faizi tamamlanıb. 2019-cu ildə 2,8 mlrd. m³ qaz nəql edilib.
TAP qaz boru kəmərinin tikintisi üzrə işlərin 91 faizi yerinə yetirilib. Yunanıstan üzrə boru kəmərinin 551,5 km-lik hissəsində qaynaq işləri aparılmış və 551,5 km-lik hissədə borular xəndəyə endirilmişdir. Albaniyada boru kəmərinin 215.3 km-lik hissəsində qaynaq işləri aparılmış və 215,9 km-lik hissədə borular xəndəyə endirilmişdir. Adriatik dənizi üzrə dənizdə görülən işlər 56,3% tamamlanıb. İtaliyada boru kəmərinin 4,6 km-lik hissəsində qaynaq işləri aparılmış və 4,3 km-lik hissədə borular xəndəyə endirilmişdir.
Bütün xəbərlər Facebook səhifəmizdə
USD
EUR
GBP
RUB