Fevralın 1-2-də ABŞ-ın Texas ştatının Hyuston şəhərində IADC-nin (Beynəlxalq Qazma Podratçıları Assosiasiyası) növbəti konfransı keçirilib. ARDNŞ-ın mətbuat xidmətindən SİA-ya verilən xəbərə görə, iki gün davam edən konfransda 15 ölkədən 445 mütəxəssis iştirak edib. Konfransda ARDNŞ-ni SOCAR-Abşeron Qazma Şirkətinin (SOCAR-AQŞ) mütəxəssisləri təmsil ediblər.
Konfransda qazma sənayesi müəssisələrində qəzaların qarşısının alınması, ətraf mühitin mühafizəsi, qazma müəssisələrində çalışan əməkçilərin səriştəlilik və təlim məsələləri müzakirə olunub. Konfrans çərçivəsində həmçinin 40-a yaxın müəssisə tərəfindən müxtəlif xidmət və məhsulların təklif olunduğu sərgi keçirilib. ARDNŞ-nin təmsilçiləri sərgidə iştirak edən qabaqcıl şirkət nümayəndələri ilə işgüzar münasibətlər yaradıb, gələcək əməkdaşlığın əsasını qoyublar.
Qeyd edək ki, SOCAR-AQŞ 2009-cu ilin iyunundan IADC təşkilatının üzvüdür. Hazırda təşkilatla əməkdaşlıq müxtəlif səviyyələrdə davam etdirilir və müəssisə əməkdaşlarının beynəlxalq təcrübəni öyrənmək və tətbiq etməsi üçün geniş imkan yaradır.
Bütün xəbərlər Facebook səhifəmizdə
USD
EUR
GBP
RUB