Məlumat verildiyi kimi, İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Abşeron rayonu, Sumqayıt şossesi, 14-cü km ünvanında fəaliyyət göstərən "AY-MİN" MMC-də aparılan yoxlama zamanı müəssisədə istehsal edilən kolbasa məmulatlarının üzərində yararlılıq müddətinin normativ sənədlərlə müəyyən edilən müddətdən artıq göstərildiyi, kolbasa məmulatlarının uyğunluq və gigiyenik sertifikatları olmadan istehsal edildiyi, həmçinin kolbasa istehsalı və qablaşdırılmasında mənşəyi bəlli olmayan rəngləyici maddələr və qablaşdırma materiallarından istifadə olunduğu aşkar edilib. Nazirliyin mətbuat xidmətindən SİA-ya verilən xəbərə görə, bununla əlaqədar, uyğunluq və gigiyenik sertifikatları olmayan kolbasa məmulatlarının istehsalı və satışının dayandırılması və müəssisə tərəfindən ticarət şəbəkələrinə paylanan malların geri yığılması, müəssisənin anbarında olan yararsız malların məhv edilməsi barədə "AY-MİN" MMC-yə icrası məcburi göstəriş verilib.
Artıq müəssisənin anbarında satışı dayandırılıb 1,3 ton kolbasa məmulatı, həmçinin 20 kq rəngləyici maddələr, 2500 m qablaşdırma materialları və 49,1 kq etiket Dövlət Xidmətinin əməkdaşlarının iştirakı ilə qanunvericilikdə müəyyən olunmuş qaydada məhv edilib. Haqsız rəqabətə yol verdiyinə görə "AY-MİN" MMC barəsində antiinhisar qanunvericiliyinin pozulması əlamətləri üzrə iş qaldırılıb.
Artıq müəssisənin anbarında satışı dayandırılıb 1,3 ton kolbasa məmulatı, həmçinin 20 kq rəngləyici maddələr, 2500 m qablaşdırma materialları və 49,1 kq etiket Dövlət Xidmətinin əməkdaşlarının iştirakı ilə qanunvericilikdə müəyyən olunmuş qaydada məhv edilib. Haqsız rəqabətə yol verdiyinə görə "AY-MİN" MMC barəsində antiinhisar qanunvericiliyinin pozulması əlamətləri üzrə iş qaldırılıb.
Bütün xəbərlər Facebook səhifəmizdə
USD
EUR
GBP
RUB