"Azərbaycan ABŞ və digər ölkəkərlə əlaqələrini strateji müttəfiqlik prinsipləri ilə qurmaqda maraqlıdır. Ölkəmiz Qərbin eləcə də Amerikanın regiondakı enerji siyasətinə töhfə verən ölkələr sırasındadır". Bunu SIA-ya açıqlamasında iqtisadçı-ekspert Vüqar Bayramov deyib.
İqtisadçı bildirib ki, regionda həyata keçirilən Bakı -Tbilisi-Ceyhan və digər layihələri ölkəmiz tərəfindən reallaşdırmaqla yanaşı, Azərbycanın siyasi iradəsi və dəstəyi hesabına həyata keçirilir.
V.Bayramovun sözlərinə görə, bu gün ABŞ Azərbaycanın əsas müttəfiqlərindən hesab olunur: "Donald Trampın seçki qabağı radikal fikirlər irəli sürməsinə baxmayaraq, güman etmirəm ki, ABŞ-da yeni prezidentin seçilməsi ölkənin xarici və iqtisadi siyasətində hər hansı dəyişikliyə səbəb olsun. ABŞ-da Respublikaçılar hakimiyyətdə olan zaman Amerika ilə Azərbaycan münasibətlərinin daha yaxşı olduğunu nəzərə alsaq, Trampın prezident seçilməsi ölkələrimiz arasında münasibətlərə müsbət təsir göstərəcək".
İqtisadçı-ekspert qeyd edib ki, iki ölkə arasında olan iqtisadi əlaqələr bundan sonra da davam edəcək, enerji siyasəti eləcə də digər sahələrdə olan müttəfiqlik qorunub saxlanılacaq: "Azərbaycan həm də Əfqanıstanda anti-terror əməliyyatlarına dəstək verən ölkədir, neft məhsullarının təminatı, eləcə də nəqliyyat sahəsində əməkdaşlıq edir. Bu baxımdan deyə bilərik ki, Donald Trampın seçkidə qalib gəlməsi ABŞ-Azərbaycan münasibətlərinin daha da yaxşılaşmasına gətirib çıxaracaq və nəticə etibarı ilə yeni prezidentin dövründə də əlaqələr qorunub saxlanılacaq".
Bütün xəbərlər Facebook səhifəmizdə
USD
EUR
GBP
RUB