"Yaxın vaxtlarda Bəhramtəpə-Biləsuvar avtomobil yolunun təmirinə başlanacaq. Üçüncü texniki dərəcəli olan bu avtomobil yolunun yenidən qurulmasına dair layihənin xarici investisiyalar hesabına həyata keçirilməsi nəzərdə tutulub". SİA-nın xəbərinə görə, bunu Nəqliyyat Nazirliyi "Azəryolservis" ASC-nin mətbuat xidmətinin rəhbəri Pünhan Mürsəliyev deyib.
Onun sözlərinə görə, Bəhramtəpə-Biləsuvar avtomobil yolu Hacıqabul-Bəhramtəpə avtomobil yolunun 115 km-dən başlayır və Biləsuvar şəhərində başa çatır: "Bu yol Mingəçevir-stansiya, Mingəçevir-Bəhramtəpə avtomobil yolunun davamı kimi respublikanın cənub-qərb bölgəsini şimal bölgəsi ilə əlaqələndirən əsas yoldur. Aidiyyəti sənədləşmə işləri, texniki proseduralar başa çatdıqdan sonra yolun qurulmasına başlanılacaq. Yolun uzunluğu 62 km təşkil edir".
Bütün xəbərlər Facebook səhifəmizdə
USD
EUR
GBP
RUB