Protokolu hökumətlərarası komissiyanın həmsədrləri-Azərbaycan tərəfdən ekologiya və təbii sərvətlər naziri Hüseynqulu Bağırov, Hindistan tərəfdən isə ticarət və sənaye üzrə dövlət naziri Ciotiraditya Şindia imzalayıb. Azərbaycan Hindistanın informasiya texnologiyaları, təhsil, mühəndis işi, maşınqayırma, əczaçılıq və başqa sahələrdə təcrübəsindən istifadə edə və neft-qaz sahəsində öz nailiyyətlərini bölüşə bilər. Azərbaycanın ekologiya naziri qeyd edib ki, ikinci iclas konstruktiv iş şəraitində keçib və iki ölkə arasında tarixi sıx əlaqələrin gələcək artımı üçün böyük potensial var. 2011-ci ildə ölkələr arasında mal dövriyyəsi 411 milyon dolları ötüb ki, bu da 2010-cu illə müqayisədə 22 faiz çoxdur. 2012-ci ilin yanvar-fevral aylarında ölkələr arasında xarici ticarət dövriyyəsi 157 milyon dollar olub ki, bu da ötən ilin analoji dövrünün göstəricisini 68 faiz üstələyir. Növbəti iclas Dehlidə keçiriləcək, onun keçirilmə tarixi diplomatik kanallarla razılaşdırılacaq.
Bütün xəbərlər Facebook səhifəmizdə
USD
EUR
GBP
RUB