Böhran genişlənə bilər. Problem kiçik yunan iqtisadiyyatında deyil, böyük Avropada birliyin olmamasındadır. SİA-nın məşhur \"Forbes\" jurnalına istinadən verdiyi məlumata görə, Yunanıstan haqqında məsələ, daha dəqiq desək, yunan hökumətinin ödəniş qabiliyətliliyi haqqında məsələni artıq həll edilmiş hesab edir. Belə ki, yunan hökumətinin (CDS) defoltdan sığortasının dəyəri indi ildə 23,3% təşkil edir. Başqa sözlə, əgər beşillik yunan istiqrazlarını saxlayan öz təhlükəsizliyini təmin etmək istərsə, 5 il ərzində o, ödədiyi vaxt ala biləcəyindən artıq ödəməli olacaq. Bazarın iştirakçıları Yunanıstanın beş ildən əvvəl defolt elan edəcəyinə o qədər əmindirlər ki, heç biri üzərinə risk götürmək istəmirlər.
Görünür, Yunanıstan defolt elan edərsə avronun necə olacağı məsələsinə qayıtmaq lazım gələcək. Nəzəri cəhətdən qorxulu heç nə baş verməməlidir. Federasiyanın böyük olmayan regionlarından birinin hökumətinin ödəniş qabiliyyətli olmaması bütün federasiyanın və ya onun daha az sərt strukturu olan Avropa İttifaqının ödəmə sisteminin böhranına səbəb olmamalıdır. Hökumətlərin FES və İngiltərə bankı tərəfindən dövlət istiqrazları böyük miqyasda alınmaqla pozulan müasir iqtisadi bölgüsü sadə qaydadan ibarətdir: büdcə – ayrı, pul hakimiyyəti - ayrı. Lakin bu – nəzəriyyədədir. Təcrübədə əsaslandırılmış və artıq təsdiq olunmuş ehtiyat mövcuddur ki, Yunanıstanın defoltu domino effekti yaradar və 2010-cu ilin baharında olduğu kimi, digər ölkələrdə: Portuqaliyada, İspaniyada və İtaliyada da baş verər. Əgər Fransa da zərbəyə məruz qalarsa, situasiya həqiqətən, fəlakətli ola bilər.
Bu zaman İtaliya artıq təhlükəli hədlərdə balanslaşmışdır. Avqustda onun istiqrazlarına olan tələb AMB tərəfindən təmin edilmişdi. 3 həftə ərzində AMB 43 mlrd. avro məbləğində ispan və italyan istiqrazlarını alıb və İspaniya hökumətinin böhranla mübarizə aparmaqda davam etməsinə heç kimin şübhəsi olmasa da, İtaliya hökuməti yenə siyasi oyunlara başlayıbdır. İtaliyada başlanan böhranın gedişinə görə, Avropa İttifaqı artıq Yunanıstanın xilası üçün birliyin olmaması ilə qarşılaşıb. Finlandiya yunan hökuməti ilə Yunanıstana yardım paketinin fin tərəfinin təmin edilməsi üçün yunanlar tərəfindən girov qoyulması barədə separat danışıqlara başlayıb. Bu barədə məlum olanda, ümumavropa qalmaqalı baş verdi. İndi Finlandiya hökuməti vəziyyəti yumşaltmağa çalışır, hətta, görünür, geriyə oynamaq istəyir, lakin bu hərəkətlər onunla mürəkkəbləşir ki, Finlandiya mətbuatının məlumatlarına görə indi de-fakto kimi ölkədə çox populyar olan Əsl Finlər Partiyası hər cür yardımın əleyhinədir. Bununla əlaqədar görünür ki, Avrozonanın dağılmasına səbəb olacaq bu problem nə Yunanıstandır, nə də müxtəlif ölkələrin hökumətlərinin borclarıdır, əsas səbəb Yunanıstanın aydın göstərdiyi kimi, ümumi maraqların dəqiq anlaşılmaması və birliyin olmamasıdır. Bu şəraitdə AMB sentyabrda İtaliya istiqrazlarının yerləşdirilməsində iştirak etməyə də bilər – hökumətə isə bu ay 46 mlrd. avro məbləğində istiqrazları ödəmək lazım gələcək.
Bütün xəbərlər Facebook səhifəmizdə
USD
EUR
GBP
RUB
