Xalq artisti: "Anamı dəfn etdik, 3 gün sonra Ağdam işğal olundu"

Xalq artisti Fatma Mahmudova verilişlərin birində qonaq olub. SİA-nın məlumatına görə, aktrisa Ağdamdan köçməsindən və xatirələrindən danışıb: "1993-cü ildə anam dünyasını dəyişdi. Anamın 3-ü günü Ağdam işğal edildi. Onun qəbrinin üstünü götüzdürə bilmədik. Gedib məzarı necə olur-olsun tapacam. Deyəcəm, ana, gözün aydın olsun, rahat yat, Ağdam bizə qayıtdı.

Anamı oradan çıxara bilmirdik, deyirdi ki, evimdə Quran var, erməni bura girə bilməz. Öz evində də öldü. Uzundərəyə girəndə Qədir Rüstəmovun "Sona bülbüllər"ini səsləndirəcəm. Ağdama Qədirlə daxil olacam, çünki sən, Ağdamsız öldün.

Hamı deyir, Ağdamdan çıxanda evin açarını götürdüm. Mən götürmədim, çünki evimin qapısı yox idi. Qrat atıldı, evim darmadağın oldu".

Bütün xəbərlər Facebook səhifəmizdə