İtaliyanın "Kyevo" klubu baş məşqçisi Canpyero Ventura ilə yollarını ayırıb. Klubun saytında yer alan məlumata görə, 70 yaşlı mütəxəssisin müqaviləsi qarşılıqlı razılaşma əsasında ləğv olunub. C.Venturanın rəhbərliyi altında 4 oyun keçirən komanda üçündə məğlub olub və bir dəfə heç-heçə edib.
Qeyd edək ki, C.Ventura oktyabrın 10-da "Kyevo"ya baş məşqçi təyin olunub. Klub italiyalı məşqçi ilə iki illik müqavilə imzalamışdı. O, bundan öncə, İtaliya yığmasına rəhbərlik edib və komandası dünya çempionatına vəsiqə qazana bilmədiyinə görə vəzifəsini itirib.
.
Bütün xəbərlər Facebook səhifəmizdə