Milli Kitabxananın nəzdində fəaliyyət göstərən Açıq kitabxanada Azərbaycan Respublikasının Mədəniyyət Nazirliyi, Azərbaycan Milli Kitabxanası və Azərbaycan Yazıçılar Birliyinin birgə təşkilatçılığı ilə Azərbaycan Yazıçılar Birliyinin və Dünya Gənc Türk Yazarlar Birliyinin üzvü, gənc şair Tural Turanın “… VƏ BÜTÜN QARANLIQ OTAQLAR” adlı şeirlər kitabının təqdimatı və imza mərasimi keçirilib.
SİA-nın məlumatına görə, tədbiri giriş sözü ilə Azərbaycan Milli Kitabxanasının direktor müavini Ədibə İsmayılova açaraq qonaqları salamlayıb, Azərbaycan Respublikası Mədəniyyət Nazirliyi və Azərbaycan Milli Kitabxanasının birgə layihəsi əsasında 2016-cı il iyulun 15-də açılan, Azərbaycan Milli Kitabxanasının nəzdində fəaliyyət göstərən “Açıq kitabxana” nın fəaliyyəti haqqında tədbir iştirakçılarına məlumat verib. Direktor müavini Açıq kitabxanada tez-tez belə kitab təqdimatlarının, poeziya gecələrinin keçirildiyinin ənənə halına çevrildiyini söyləmiş, gənc şair Tural Turanı kitabının təqdimatı münasibətilə təbrik etmiş, ona yaradıcılıq uğurları arzulamışdır. Sonra sözü tədbiri aparmaq üçün yazıçı-publisist Kənan Hacıya verib.
Kənan Hacı Azərbaycan Yazıçılar Birliyinin və Dünya Gənc Türk Yazarlar Birliyinin üzvü, gənc şair Tural Turanın “...VƏ BÜTÜN QARANLIQ OTAQLAR” adlı, sayca beşinci, yeni şeirlər kitabı haqqında danışdıqdan sonra sözü yazıçı, telejurnalist Azər Qismətə verib.
Azər Qismət Tural Turanın gənc olmasına baxmayaraq ədəbi prosesdə fəal iştirak edən, daima öz üzərində çalışan çox istedadlı, işıqlı bir gənc olduğunu deyib.
Tədbirdə şair Seyran İsmayıl, DGTYB Yönətim Kurulunun Başkan yardımçısı Əfsanə Bayramqızı, filoloq Tural Mirzəyev, gənc yazarlardan Şəhanə Müşfiq, Afət Natiq, Tural Cəfəri, Ulucay Akif və bir çox ziyalı insanlar, gənc şairin dostları cıxış edərək, Tural Turan və onun yaradıcılığı haqqında fikirlərini bölüşüblər.
Sonra Tural Turan öz şeirlərini tədbir iştirakçılarına oxuyub. O, çıxışında tədbirdə iştirak edənlərə minnətdarlığını bildirib və bu tədbirin təşkilinə görə Milli Kitabxananın rəhbərliyinə təşəkkür edib.
Tədbir “...VƏ BÜTÜN QARANLIQ OTAQLAR” kitabının imzalanma mərasimi ilə bitib.
Bütün xəbərlər Facebook səhifəmizdə
.jpg)
USD
EUR
GBP
RUB