Türkiyənin paytaxtı İstanbulun Sultanəhməd Meydanında səhər saatlarında partlayış baş verib. SİA-nın məlumatına görə, səhər 10:05 radələrində baş verən partlayış nəticəsində 10 nəfər həlak olub, 15 nəfər isə yaralanıb.
Sultanəhməd Meydanı və onun ətrafı polis və təhlükəsizlik qüvvələri tərəfindən mühafizə olunub. Hadisənin kimlər tərəfindən törədilməsi araşdırılır.
Partlayış zamanı xəsarət alan şəxslər dərhal bölgədəki xəstəxanalara yerləşdirilib. Ağır şəkildə yaralanan şəxslər isə Haseki Təhsil və Araşdırma Xəstəxanasına yerləşdirilib.
Ərazi havadan polis helikopterləri vasitəsilə nəzarətdə saxlanılır. Hadisə yeri geniş tədqiqata sövq edilib.
Türkiyə prezidenti Rəcəb Tayyib Ərdoğan və Baş nazir Əhməd Davudoğlu partlayışla bağlı Daxili İşlər Naziri Əfqan Aladan məlumat alıb.
Məsələnin mətbuat tərəfindən geniş şəkildə işıqlandırılmasına keçici qadağa qoyulub.
Ölkənin Baş naziri Əhməd Davudoğlu məsələ ilə bağlı Çankaya Köşkündə təhlükəsizlik konfransı keçirəcəyini bildirib.
Bütün xəbərlər Facebook səhifəmizdə
USD
EUR
GBP
RUB