Hakerlər çirkli pulların yuyulması və terrorizmin maliyyələşdirilməsinin qarşısını almaq üçün yaradılmış xüsusi reyestrə hücum ediblər. DW-nin məlumatına görə, 30 iyul gecəsi Lixtenşteyn Knyazlığı şəxsi məlumatları ələ keçirən böyük kiberhücumun qurbanı olub.
Hakerlərin çirkli pulların yuyulması və terrorizmin maliyyələşdirilməsinin qarşısını almaq üçün yaradılmış xüsusi reyestrə hücum etdiyi bildirilib. İlkin tapıntılara görə, naməlum bir hücumçu Hüquqi Şəxslərin Faydalı Sahiblik Reyestrinə (VwbP) icazəsiz rəqəmsal giriş əldə edib. Bu reyestr şirkətlərin, fondların və trastların faydalı sahibləri haqqında adları və digər məlumatları özündə birləşdirən verilənlər bazasıdır. Hakerlər təxminən 31.000 hüquqi şəxsdən məlumat oğurlayıblar. Hökumət hadisəni araşdırmaq üçün bir qrup yaradıb.
Lixtenşteyn Knyazlığı adambaşına düşən ümumi daxili məhsula görə dünyanın ən varlı ölkələrindən biridir. Maliyyə və bank xidmətləri ölkə iqtisadiyyatının ən gəlirli sektorlarından biridir. Yerli fondlar və hesablar əvvəllər vergidən yayınma üçün istifadə olunurdu, lakin 2017-ci ildə hökumət vergi məsələlərində bank sirrini ləğv etdi. 2021-ci ildə çirkli pulların yuyulması və terrorizmin maliyyələşdirilməsinin qarşısını almaq üçün Hüquqi Şəxslərin Faydalı Sahiblərinin Reyestri yaradıldı.
Xatırladaq ki, Finlandiya Təhlükəsizlik Kəşfiyyat Xidməti (Supo) Finlandiya və digər ölkələrdəki təşkilatları hədəf alan Rusiyanın kiber əməliyyatlarının artması barədə xəbərdarlıq etmişdi.
Bütün xəbərlər Facebook səhifəmizdə
.jpg "İran qarşı müharibənin əsl səbəbi - ŞOK DETALLAR")
.jpg "Onikibarmaq bağırsaq xəstəlikləri - Təhlükəli Səbəbləri")
.jpg "Onikibarmaq bağırsaq xəstəlikləri - Təhlükəli Səbəbləri")
USD
EUR
GBP
RUB