...Aprelin əvvəlində Türkiyə Prezidenti Rəcəb Tayyib Ərdoğan türkdilli ölkələrdə xüsusilə populyarlaşan “Homay” mahnısı ilə tanınan başqırd etno-folklor qrupu Ay Yola ilə qapalı görüş keçirib.
Qrup prezident sarayına dəvət olunub.
SİA xəbər verir ki, “Anadolu”-nun məlumatına görə, görüşdə qrupun işi və musiqi dünyasındakı əhəmiyyətli hadisələr müzakirə olunub.
Tədbirin sonunda qrup şəkli çəkilib və Ərdoğan Ay Yola üzvlərinə uğurlar arzulayıb.
…“The Moscow Times” qəzetinin məlumatına görə, qrup həmçinin Novruz bayramına həsr olunmuş konsert çərçivəsində Türkiyənin TRT Avaz kanalında çıxış edib. Bundan sonra z-bloqçular Ay Yolanı pantürkizmi təbliğ etməkdə günahlandırıblar.
Təbliğatçı Sergey Mardan bildirib ki, “Rus dünyası əvəzinə, burada, Kazanda və Ufada “Böyük Turan” çiçəklənir”.
…Tarixin küllərindən qalxan Pan-Türkizmin genişlənməsinin keçmiş Sovet İttifaqı respublikaları ilə məhdudlaşdığını düşünmək axmaqlıqdır. Turan ideoloqlarının türk hesab etdiyi Rusiya bölgələri də təhlükə altındadır, - deyə o bildirib.
…Bloqçu Dmitri Nikotin öz növbəsində bildirib ki, Ərdoğanın Ay Yola ilə görüşü “mədəni jest deyil, sistemli yumşaq güc siyasətinin elementi”dir. Türkiyə sistemli şəkildə “vahid türk sivilizasiyası” povestini formalaşdırır. Ay Yola Ərdoğanın görüşünə sadəcə populyar bir rus qrupu olduqları üçün deyil, türk kimliyinin təbliğatçıları olduqları üçün dəvət olunub, - deyə o yazıb.
…Nikotinin sözlərinə görə, bu cür təmaslar Rusiya üçün “zehni təhlükə” yaradır, çünki başqırdlar və tatarlar özlərini “Ankarada mərkəzləşmiş “türk dünyasının” bir hissəsi hesab etməyə başlaya bilərlər ki, bu da bir güllə də atılmadan Rusiyanın vətəndaş kimliyini aşağıdan sarsıda bilər...
…Və Ay Yola üzvləri ittihamları rədd edərək qrupu sırf mədəni layihə adlandırıblar.
Əli Babayev
Bütün xəbərlər Facebook səhifəmizdə
USD
EUR
GBP
RUB
