...Çərşənbə günü Avropa Birliyi ölkələrinin səfirləri blokun 2027-ci ilin sonuna qədər Rusiya qazının idxalını tədricən dayandırmaq planını təsdiqləyiblər. Bu barədə hazırda Avropa İttifaqına sədrlik edən Danimarka nümayəndəsi bildirib.
SİA-nın əldə etdiyi məlumata görə, bu barədə Reuters yazır.
Agentlik qeyd edir ki, planın razılaşdırılması Rusiya qazının tədricən dayandırılması ilə bağlı yekun qərardan əvvəlki son hüquqi maneələrdən birini aradan qaldırır.
Hesabatda bildirilir ki, Avropa Parlamenti gələn həftə səs verəcək və Avropa İttifaqı nazirlərinin qadağanı 2026-cı ilin əvvəlində rəsmi olaraq təsdiqləməsi gözlənilir.
Agentlik qeyd edir ki, rəsmilər Macarıstan və Slovakiyanın müxalifətinə baxmayaraq, səs çoxluğunun olacağını gözləyirlər.
Planda Rusiya qazının tədricən dayandırılmasının mərhələli şəkildə həyata keçiriləcəyi nəzərdə tutulur: qadağan 1 yanvar 2026-cı ildə tətbiq olunacaq və mövcud müqavilələr üçün keçid dövrü tətbiq olunacaq.
Xüsusilə, 17 iyun 2025-ci il tarixindən əvvəl bağlanmış qısamüddətli müqavilələr 17 iyun 2026-cı ilə qədər, uzunmüddətli müqavilələr isə 1 yanvar 2028-ci ilə qədər qüvvədə qala bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB