...ABŞ Demokrat Senatoru Riçard Blumental hesab edir ki, prezident Donald Tramp Rusiyanın Ukraynaya qarşı müharibəsinin həlli prosesində iştirak edən danışıqçılar Stiv Vitkoff və Cared Kuşneri dəyişdirməlidir.
SİA xəbər verir ki, bu barədə RBC-Ukrayna Blumentalın açıqlamasına istinadən məlumat yayıb.
Blumental Trampın Ukraynanı təhlükəsizlik zəmanəti olmadan sülh müqaviləsini tez bir zamanda imzalamağa məcbur etməsindən dərin narahatlıq ifadə edib.
...Mən Trampın Ukraynanı taleyinə buraxdığından dərin narahatam. O, Kiyevi ədalətsiz və ağlasığmaz ərazi güzəştlərinə məcbur edir və Putinin qırğınından özünü qorumaq üçün lazım olan hərbi yardımdan məhrum edir, - deyə o bildirib.
Blumental həmçinin Konqresin Rusiyanın Ukrayna uşaqlarının oğurlanması və əlavə iqtisadi sanksiyaların tətbiqi üçün terrorizmin dövlət sponsoru kimi təyin olunmasını irəli sürəcəyinə ümid etdiyini bildirib.
Sülh danışıqlarına münasibət bildirən senator qeyd edib ki, danışıqlar "tamamilə birtərəfli", Ukraynaya qarşı tələblər irəli sürülür və Rusiyadan heç bir real güzəşt tələb olunmur. Xüsusi nümayəndə Stiv Vitkoff və Trampın kürəkəni Cared Kuşner öz qiymətləndirməsində qərəzli görünür və ABŞ adından danışıqlara rəhbərlik edən qərəzli vasitəçilərdən daha çox Rusiyanın tərəfindədirlər.
Əli Babayev
Bütün xəbərlər Facebook səhifəmizdə
USD
EUR
GBP
RUB