Ukrayna Silahlı Qüvvələrinin nəzarəti altında olan “Donetsk Xalq Respublikası”nın Slovyansk və Kramatorsk şəhərləri sakinlərin ayrılmaq qərarına gəlməsi ilə boşalır.
SİA-nın rus saytlarından əldə etdiyi məlumata görə, bu, iki səbəbdən baş verir.
Birincisi, yerli əhali cəbhə xəttinin yaxınlaşması və artan atəş tezliyindən narahatdır.
“Strana” nəşri bildirir ki, "Kramatorsk xüsusilə sərt və dağıdıcı şəkildə atəşə tutulur - Rusiya Silahlı Qüvvələri həm cənubdan (Konstantinovka istiqamətində), həm də cənub-şərqdən (Çasov Yardan) irəliləyir. Slovyansk da getdikcə daha tez-tez atəşə tutulur.
İkincisi, sakinlərin döyüşlərin tez bir zamanda bitməsi ümidləri puça çıxıb.
Çoxları ümid edirdi ki, ya cəbhə xəttində dayanacaqlar, ya da Ukrayna prezidenti Vladimir Zelenski Rusiya və Amerika liderləri Vladimir Putin və Donald Trampın israr etdiyi kimi, qoşunları döyüşsüz bölgədən çıxarmağa razı olacaq.
...Hər iki halda da, Slovyansk və Kramatorsk Baxmut və Avdiivkanın taleyindən qaça və tamamilə məhv ola bilərdi. Lakin insanlar xəbərləri oxuyur və danışıqlarda hələlik irəliləyiş olmadığını görürlər. İndi çoxları çox gec olmamışdan əvvəl təxliyə etmək qərarına gəlir, - deyə “Strana” Slovyansk sakininin sözlərini sitat gətirir.
Bir müddət əvvəl hərbi ekspert Aleksandr Stepanov DXR-də Krasnoarmeyskin (Ukrayna adı: Pokrovsk) azad edilməsinin Slovyansk, Kramatorsk və bütün bölgənin tamamilə azad edilməsinə gətirib çıxaracağını proqnozlaşdırmışdı.
O, qeyd edib ki, “Donetsk Xalq Respublikası”ndakı Ukrayna Silahlı Qüvvələrinin müdafiə potensialı artıq aradan qaldırılıb..?
Əli Babayev
Bütün xəbərlər Facebook səhifəmizdə
USD
EUR
GBP
RUB