SİA xəbər verir ki, Bloomberg-in Tamedia/20 Minuten sorğusuna istinadən verdiyi məlumata görə, İsveçrə vətəndaşlarının əhəmiyyətli bir hissəsi (48 faiz) sağçı Xalq Partiyasının ölkə əhalisinin sayını 10 milyonla məhdudlaşdırmaq təklifini dəstəkləyib.
Jurnalistlər qeyd ediblər ki, hazırda İsveçrənin əhalisi 9 milyondan bir qədər çoxdur.
Ölkə əhalisinin dörddə biri xaricdə anadan olub. İmmiqrasiya əleyhinə olan Xalq Partiyası qeyd edib ki, həddindən artıq əhali artımı mənzil, nəqliyyat və kommunal xidmətlər bazarlarını sıxışdırır.
Agentliyin məlumatına görə, bu məsələ ilə bağlı qərar 2026-cı ilin iyun ayında verilə bilər. Lakin hakimiyyət orqanları hələlik partiyanın təşəbbüsü ilə bağlı şərh verməyib.
Əvvəllər bildirilirdi ki, noyabr ayında İsveçrə varlı şəxslərin ölkəni tərk etməklə hədələməsindən sonra varlılara 50 faiz miras vergisinin tətbiqinə qarşı səs verib.
Əli Babayev
Bütün xəbərlər Facebook səhifəmizdə
USD
EUR
GBP
RUB