...Ukrayna ilə ABŞ əsas təhlükəsizlik və ərazi məsələlərinə diqqət yetirərək sülh müqaviləsi üzərində işləməyə davam edirlər.
Vaşinqtonda danışıqlar konstruktiv atmosferdə keçib. Mövzuların mürəkkəbliyinə baxmayaraq, dialoq açıq və tədricən davam edir.
SİA xəbər verir ki, bu barədə görüşlərdən sonra Ukraynanın ABŞ-dakı səfirliyi məlumat verib.
Onlar Ukrayna və Amerika nümayəndə heyətləri arasında danışıqların praktik və məhsuldar olduğunu bildiriblər. Bəzi mürəkkəb məsələlər hələ də həll olunmasa da, tərəflər gələcək sülh müqaviləsi üçün əsas yarada biləcək variantları birgə araşdırmağa davam edirlər.
Ukrayna Milli Təhlükəsizlik və Müdafiə Şurasının katibi Rüstəm Umerov və görüşlərdə Ukraynanı təmsil edən Prezident Aparatının rəhbərinin müavini Andrey Qnatovun yaxın zamanda ətraflı hesabatı gözlənilir.
Diplomatların sözlərinə görə, danışıqların hazırkı mərhələsinin əsas çətinlikləri ərazi məsələlərinə yanaşmaların müəyyənləşdirilməsi və uzunmüddətli təhlükəsizlik zəmanətləri ilə bağlıdır.
Ukrayna tərəfi davamlı sülhü və etibarlı müdafiə arxitekturasını təmin edəcək optimal mexanizmlər axtarır. Səfirlik həmçinin qeyd edib ki, bütün məlumatlar toplandıqdan və tərəfdaşlar müvafiq mövqelər barədə razılığa gəldikdən sonra daha ətraflı məlumat açıqlanacaq.
Xatırladaq ki, son iki həftə ərzində Ukrayna və Amerika tərəfləri arasında altıncı görüş 5 dekabrda baş tutub.
Görüşdə Xüsusi sülh elçisi Stiv Vitkov, Ukrayna Milli Təhlükəsizlik və Müdafiə Şurasının katibi Rüstəm Umerov və Ukrayna Silahlı Qüvvələrinin Baş Qərargah rəisi general Andrey Hnatov iştirak ediblər.
Ukrayna Prezidenti Zelenski, Fransa Prezidenti Makron, Böyük Britaniya Baş naziri Starmer və Almaniya kansleri Merts arasında görüş 8 dekabrda planlaşdırılıb.
Görüş zamanı liderlər Rusiya-Ukrayna müharibəsinə son qoymaq üçün bütün danışıqların gedişatını müzakirə etməyi planlaşdırırlar.
Əli Babayev
Bütün xəbərlər Facebook səhifəmizdə
USD
EUR
GBP
RUB