...Kreml hazırda Rusiya prezidenti Vladimir Putin və ABŞ prezidentinin xüsusi nümayəndəsi Stiven Vitkov arasında çərşənbə axşamı keçirilən müzakirədən sonra amerikalı həmkarlarından cavab gözləyir.
SİA xəbər verir ki, TASS-ın məlumatına görə, bu barədə Rusiya prezidentinin köməkçisi Yuri Uşakov bildirib.
O, deyib ki, hazırda bu həftənin çərşənbə axşamı keçirdiyimiz müzakirəyə amerikalı həmkarlarımızın cavabını gözləyirik.
O, həmçinin əlavə edib ki, Trampla telefon danışığı hazırda Putinin cədvəlində yoxdur, lakin lazım gələrsə, asanlıqla təşkil edilə bilər.
Uşakov əmin edib ki, əlaqə üçün şərtlər yaranan kimi hər şey kifayət qədər tez bir zamanda təşkil olunacaq.
TASS-ın məlumatına görə, Vitkovla növbəti görüşün tarixi hələlik müəyyən edilməyib.
Xatırladaq ki, Milli Təhlükəsizlik və Müdafiə Şurasının katibi Rüstəm Umerovun rəhbərlik etdiyi Ukrayna nümayəndə heyəti 30 noyabrda Mayamidə ABŞ-ın xüsusi nümayəndəsi Stiv Vitkoff və ABŞ prezidentinin kürəkəni Cared Kuşner ilə görüşmüşdü.
Ukrayna prezidenti Volodimir Zelenski sülh planında ən çətin məqamın 6,5 saat müzakirə edilən ərazi məsələsi olduğunu söyləyib.
2 dekabrda Rusiya prezidenti Vladimir Putin Kremldə Stiv Vitkoff və Cared Kuşner ilə danışıqlar apardı.
Rəsmi açıqlamalara görə, Kremldə beş saatlıq danışıqlardan sonra Ukraynadakı müharibənin sona çatması ilə bağlı heç bir əhəmiyyətli razılaşma əldə edilməyib.
Əli Babayev
Bütün xəbərlər Facebook səhifəmizdə
USD
EUR
GBP
RUB