...İddialara görə, Şimali Koreya Ukraynaya qarşı müharibədə Rusiyaya kömək etmək üçün ən yaxşı qoşunlarını göndərib. Amma iki aylıq döyüşlərdən sonra Şimali Koreyalıların itkiləri o qədər böyük olub ki, dəstəni təcili olaraq arxa cəbhəyə çəkmək lazım gəlib.
SİA xəbər verir ki, bu barədə “The New York Times” Ukrayna və ABŞ-dakı mənbələrə istinadən məlumat yayıb.
SİA-nın bundan əvvəl də yazdığı kimi, son iki həftə ərzində Şimali Koreyalılar Rusiya Federasiyasının Kursk vilayətində cəbhə xəttində görünməyi dayandırılıb. Geri çəkilmək qərarı döyüşdə böyük itkilər fonunda qəbul edilib..?
...Şimali Koreya bölmələrinə qarşı döyüşən Ukrayna əsgərləri onları şiddətli döyüşçülər kimi təsvir edir. Bununla belə, Ukrayna rəsmilərinin qeyd etdiyi kimi, Şimali Koreyalıların sıralarında qeyri-mütəşəkkillik və Rusiya qoşunları ilə koordinasiyanın olmaması əhəmiyyətli itkilərə səbəb olub.
Ukrayna hərbçilərinin və cəbhə bölgəsinin döyüşçülərinin fikrincə, döyüş meydanına çatdıqdan sonra Şimali Koreya əsgərləri özbaşına buraxılır, minimal zirehlə hücuma keçir və nadir hallarda yenidən qruplaşır və ya geri çəkilir.
Bu, məqalədə deyilir.
Moskvanın Şimali Koreyalıların Ukrayna qüvvələrini Kursk bölgəsindən çıxarmağa kömək edəcəyinə dair ümidləri heç vaxt özünü doğrultmadı. Ukrayna Silahlı Qüvvələri Rusiya ərazisində nə qədər uzun müddət dayanırsa, bu, Vladimir Putinin reputasiyasına bir o qədər xələl gətirir.
...Amerika kəşfiyyatının məlumatına görə, öz qoşunlarının Rusiyaya göndərilməsinin təşəbbüskarı Şimali Koreya lideri Kim Çen In olub. Putin bu fikri məmnuniyyətlə dəstəkləyib. ...Şimali Koreyanın ən yaxşı təlim keçmiş xüsusi təyinatlı bölmələri Rusiyaya göndərilib. Bununla belə, görünür, ruslar onlardan “top yemi” kimi istifadə edərək, onları dalğalar şəklində minalanmış tarlalarda və Ukrayna Silahlı Qüvvələrinin şiddətli atəşi altında ölümə göndəriblər.
“The New York Times” yazır bunu.
Məhz ağır itkilər Kimi qoşunlarını geri çəkməyə məcbur edib. Ekspertlər bunun müvəqqəti tədbir olduğuna əmindirlər. Şimali Koreyalılar çox güman ki, sağaldıqdan və yeni təlimlərdən sonra yenidən döyüş meydanına qaytarılacaqlar. Görünür, Kreml Pxenyanla öz əsgərlərini “ət hücumlarında” məhv etməklə mübahisə etmək istəmir..?
Əli Babayev
Bütün xəbərlər Facebook səhifəmizdə
USD
EUR
GBP
RUB