"Qarabağ" Topaz Prmyer Liqasında ardıcıl 13-cü ev qələbəsini qazanıb. SİA-nın məlumatına görə, bu, son 10 ildə Azərbaycan çempionatlarında qeydə alınan ən uzun seriyadır. Sonuncu belə seriya "İnter"ə məxsus olub. "Bankirlər"in 14 oyundan ibarət qələbələrinə 2006-cı ilin fevralında son qoyulub.
Son 10 ilin rekorduna imza atan Qurban Qurbanovun komandası Topaz Premyer Liqasının VIII turunda "Sumqayıt"ı 3 cavabsız qolla məğlub edərək, mövsümdə 4-cü dəfə qonaqları quru hesabla üstələyib. Ağdamlılar ardıcıl 3-cü çempionluğunu bayram etdiyi ötən mövsümün son 9 ev matçında da rəqiblərinə xal verməmişdi. 2016-cı ildə evdə keçirdiyi 13 matçın hamısında qalib gələn "Qarabağ"ın öz meydanındakı son xal itkisi "Qəbələ" ilə matça təsadüf edib. Bu matç 2015-ci il dekabrın 19-na təsadüf edib və 1:1 hesabı ilə başa çatıb.
Qeyd edək ki, "Qarabağ" ardıcıl evdə qazandığı 13 matçın son 9-da qapısını da toxunulmaz saxlayıb. Yəni ağdamlılar 9 matçdır qonaqlara nə xal, nə qol sevinci yaşadır.
Bütün xəbərlər Facebook səhifəmizdə
USD
EUR
GBP
RUB