Bu gündən Bakıda bu ərazilərdə pulsuz Wi-Fi xidməti ləğv olunur

“Bakı Telefon Rabitəsi” MMC göstərdiyi xidmətlərin optimallaşdırılması məqsədilə “İctimai Wi-Fi” xidmətinin mövcud olduğu ərazilərdə müştərilərin xidmətdən istifadəsi üzrə monitorinq işləri aparıb.

Bu barədə SİA-ya “Aztelekom” MMC-dən bildirilib.

Qeyd edilib ki, monitorinqin nəticələrinə əsasən, daha çox tələbatın olduğu ərazilər istisna olmaqla, digər ərazilərdə 29.06.2022-ci il tarixindən etibarən xidmətin dayandırılmasına qərar verilib.

“İctimai Wi-Fi” xidmətinin dayandırılacağı ərazilər aşağıdakılardır:

- Qış parkı

- “İçərişəhər” Dövlət Tarix Memarlıq Qoruğunun daxilində ərazi

- Sabir bağı

- Xaqani bağı

- Axundov bağı

- Zabitlər parkı

- Hüseyn Cavid parkı

- İzmir parkı

- Sahil bağı

- Səməd Vurğun bağı

- Muğan bağı

- “Fashion Avenue” küçəsinin ərazisi

- Dədə Qorqud parkı

- Beynəlxalq Avtovağzalın perronu

Eyni zamanda, aşağıda qeyd edilən ərazilərdə “İctimai Wi-Fi” xidmətinin fəaliyyətinin daha da təkmilləşdirilməsi nəzərdə tutulur.

- Dənizkənarı Milli Park (Köhnə Bulvar, Ağ Şəhər Bulvarı əraziləri)

- Dövlət Bayrağı Meydanı (Su İdmanı Sarayına qədər)

- Heydər Əliyev Mərkəzinin parkı

Bütün xəbərlər Facebook səhifəmizdə