Azərbaycan növbəti ildən NATO ilə yeni bir minatəmizləmə
layihəsnə başlayacaq. SİA-nın xəbərinə görə, bu barədə Azərbaycan Ərazilərinin Minalardan Təmizlənməsi üzrə Milli
Agentliyin (ANAMA) direktoru Nazim İsmayılov məlumat verib. O bidlirib ki, 2012-ci ilin yanvar ayından etibarən
reallaşması nəzərdə tutulan layihə çərçivəsində Ceyrançöl adlı sahədə mina və
partlamamış hərbi sursatların (PHS) təmizlənməsi aparılacaq. Ceyrançöldə
təmizlənəcək sahənin 60 milyon kvadrat metr ərazini əhatə etdiyini deyən
N.İsmayılov vurğulayıb ki, bu ərazidə keçmiş Sovet ordusunun ən böyük hərbi
poliqonu yerləşdiyindən orada böyük minalı sahələr, atılıb partlamamış döyüş
sursatlarına təsadüf olunur.
Ceyrançöl layihəsinin böyük
layihə olduğunu deyən rəhbər bu işlərin NATO-nun dəstəyi ilə aparılacağını
vurğulayıb. O, artıq layihə hazırlanaraq NATO-ya göndərildiyini və müsbət
qarşılandığını bildirib".
Digər məsələyə münasibət bildirən N.İsmayılov qeyd edib ki, Azərbaycan
işğal olunmuş Dağlıq Qarabağ ərazisində minatəmizləmə fəaliyyəti göstərən Böyük
Britaniyanın "Halo Trust" təşkilatının avadanlıqlarının ölkə ərazisindən keçməklə
Əfqanıstana aparılmasına icazə verməyib. Onun sözlərinə görə, ölkə gömrükçüləri tərəfindən Əfqanıstana göndərilən və
minatəmizləmədə istifadə olunan avadanlıqlar bu yaxınlarda saxlanılıb: "Məsələyə
Azərbaycanın müvafiq qurumları qarışıb. ANAMA tərəfindən verilən rəydə "Halo
Trust" təşkilatının işğal altındakı Azərbaycan ərazilərində - Dağlıq Qarabağda
icazəsiz fəaliyyətinə görə rəsmi Bakının "qara siyahısı"nda olduğu bildirilib. Bundan
sonra həmin şirkətə məxsus avadanlıqların üzərinə həbs qoyulub".
Bütün xəbərlər Facebook səhifəmizdə
USD
EUR
GBP
RUB
