Ukraynanın keçmiş prezidenti, Donbasdakı təmas qrupunun Ukrayna nümayəndə heyətinin rəhbəri Leonid Kravçuk, Rusiya və Ukrayna prezidentləri Vladimir Putin və Vladimir Zelenskinin görüşünün baş tutacağına hələ də inanır. SİA xəbər verir ki, ölkənin keçmiş prezidenti bunu cümə axşamı “Radio NV”-nin efirində deyib.
"İnanıram ki, bu iclasa ehtiyac var və nəticədə də baş tutacaq. Çünki Putinin də Ukraynaya münasibətdə siyasətində bir şeyə aydınlıq gətirməsi lazım olduğuna inanıram. Hər halda təcavüzü dayandırmaq lazımdır. Bundan sonra digər münasibətlərin nizamlanmasına doğru addım-addım gedəcəyik və bunların nədən ibarət olacağı müzakirə ediləcək", deyə Leonid Kravçuk efirdə bəyan edib.
Qeyd edək ki, bir qədər əvvəl Zelenski, hər şeyin, Putinlə görüşünün baş tutacağına, vaxtının və yerinin isə onsuz da təfərrüat olduğunu söyləyib və görüşün təşkilinə rəhbərlik edən, onun ofisinin rəhbəri Andrey Yermaka bu barədə təlimat verdiyini bəyan edib. Peskovun sözlərinə görə, Rusiya Federasiyası prezident administrasiyası rəhbərinin müavini Dmitri Kozak Ukrayna prezidentinin ofisi ilə daim əlaqə saxlayır.
Xatırladaq ki, bir qədər əvvəl Zelenski bir video mesajında Putinə, "müharibənin getdiyi Ukrayna Donbasının hər yerində görüşmək olar" deyə təklif etmişdi. Rusiya lideri isə öz növbəsində, ikitərəfli münasibətləri müzakirə etmək istəyəcəyi təqdirdə, Zelenskini istənilən vaxt Moskvada qəbul etməyə hazır olduğunu söyləyib.
Cümə axşamı, Rusiya liderinin mətbuat katibi Dmitri Peskov, Ukrayna prezidentinin kabinetindən Rusiya prezidenti ilə görüş haqqında heç bir məlumat alınmadığını söyləyib.
Bütün xəbərlər Facebook səhifəmizdə
USD
EUR
GBP
RUB