Rusiyanın nüfuzlu ictimai xadimi, politoloq, Siyasi Araşdırmalar İnstitutunun baş direktoru, Dövlət Dumasının 5-ci çağırış deputatı Sergey Markov TASS platformasında Ermənistan və Azərbaycan arasında Dağlıq Qarabağ uğrunda informasiya müharibəsi haqqında aparılan müzakirənin tezislərini qəbul etdiyini bildirib.
Politoloq yazıb: Mənim məntiqimə görə bu kimi tezislərlə demək olar ki, razılaşmaq olar.
1. Ermənistan təkcə ərazi uğrundakı müharibəni deyil, həm də böyük bir üstünlüyə sahib olduğu Rusiya informasiya məkanındakı informasiya müharibəsini də itirdi. Azərbaycan həm müharibə ərazisində, həm də informasiya müharibəsində qalib gəldi.
2. Ermənistanın informasiya müharibəsində məğlubiyyətinin əsas səbəbi şəxsən və siyasi baxımdan Nikol Paşinyandır.
3. Ermənistanın əsas səhvi ondadır ki, İrəvanda informasiya müharibəsi qərargahı yox idi, çünki Moskva ilə zəif əlaqə mövcud idi. Və İrəvan informasiya müharibəsinin qərargahı rolunu Rusiyadakı erməni diasporuna və ermənipərəst siyasətçilərə ötürməyə cəsarət etmədi. Buna görə də nəhəng ermənipərəst informasiya ordusu rəhbərliksiz qaldı. Konstantin Zatulin və Marqarita Simonyan bu vəzifənin öhdəsindən Paşinyan və yoldaşlarından daha yaxşı gəlmiş olardı.
4. Azərbaycanın informasiya müharibəsindəki qələbəsinin əsas səbəbi rusdilli məkanda informasiya iş nöqtələrinin, yəni Azərbaycana dost insanlar və strukturların formalaşmasıdır. Və əksəriyyəti də ruslardır. Azərbaycanın mövqeyini çatdıra bildilər. Bundan əlavə, Azərbaycanın mövqeyi Rusiya rəhbərliyinin mövqeyini ciddi şəkildə nəzərə alır və heç vaxt bununla ziddiyyət təşkil etmirdi.
5. Azərbaycanın rusların Qafqazda ermənilərin mənafeyi uğrunda vuruşmaması lazım olduğu ilə bağlı əsas tezisi Rusiyada hərtərəfli dəstəklə qarşılandı.
6. Amma Ermənistanın Rusiyanın Ermənistan üçün savaşması lazım olduğu əsas tezisi Rusiyada böyük qıcıq doğurdu.
7. Azərbaycanın Paşinyanın Sorosun anti-Rusiya agenti olması ilə bağlı tezisi də Rusiyanı bitərəfliyə çox güclü itələdi.
8. Azərbaycanın Moskvadakı erməni diasporunun yaxşı yaşadığını və oğullarını Qarabağa döyüşə göndərmədiyini, ancaq Rusiyanı öz oğullarını ora göndərməyə məcbur etmək istədiyi tezisi- bu tezis Rusiyada tam dəstəkləndi.
9. Ermənistanın ermənilərin qardaş bir xristian xalqı olması tezisi, erməni diasporunun ən uğurlu tezisidir.
10. Ermənistanın Qarabağda yalnız Azərbaycanla müharibə etmədiyi, eyni zamanda Türkiyənin Rusiya ilə vəkil müharibəsi apardığı tezisi çox vacib idi və Ermənistanın bütün dostları tərəfindən fəal şəkildə təbliğ olunurdu. Ancaq onu birbaşa Vladimir Putin təkzib etdi. Nəticə etibarilə, Rusiya mediasındakı bütün nəhəng antitürk kampaniyası sıfıra getdi.
11. Rusiya mediası 2 eşelonda çıxış etdi. Xəbər proqramları Rusiya səlahiyyətliləri tərəfindən ciddi şəkildə idarə olunurdu, bu səbəbdən xəbər proqramlarında ciddi bitərəflik mövcud idi.
12. Amma siyasi tok-şoular Rusiya hakimiyyəti tərəfindən ciddi şəkildə nəzarət altında deyildi, buna görə də siyasi tok-şoularda çox güclü bir ermənipərəst qərəz var idi ki, buradakı erməni diasporunun çox güclü təsiri oldu.
13. Erməni və Azərbaycan diasporları Rusiya küçələrində çox təmkinli davranırdılar, çünki Moskva Rusiya ərazisindəki istənilən qarşıdurmanı sərt şəkildə yatırmağa hazır idi.
14. Şəxsən İlham Əliyev Rusiya televiziyasında Nikol Paşinyanı məğlub etdi. İlham Əliyev əla rus dili, yüksək nitq mədəniyyəti və mükəmməl təhsili ilə hər kəsi fəth etdi. Bərbad rus dilində danışaraq arxa planda qalan Paşinyan çox pis görünürdü.
15. İnformasiya müharibəsi bitməyib, lakin aktiv şəkildə davam etdiriləcək.
16. Əsas mübahisələr Türkiyənin rolu və Rusiya ilə münasibətlər idi. Göründüyü kimi, bu mövzu ən kəskin olacaq.
17. Amerika əleyhinə təbliğatın intensivliyi o qədər yüksəkdir ki, Rusiyada bir çoxları ABŞ-ın Qarabağ müharibəsinin təşəbbüskarı olduğuna inanırlar.
Elçin Bayramlı
Bütün xəbərlər Facebook səhifəmizdə
USD
EUR
GBP
RUB