Milli Məclisin iclasında "Azərbaycan Respublikasının Baş prokuroru vəzifəsinə təyin olunmasına razılıq verilməsi haqqında" məsələyə baxılıb. SİA-nın məlumatına görə, Prezident İlham Əliyev Baş prokuror vəzifəsinə Azərbaycan Respublikası Baş Prokurorunun müavini, Azərbaycan Respublikasının Baş Prokuroru yanında Korrupsiyaya qarşı Mübarizə Baş İdarəsinin rəisi, II dərəcəli dövlət ədliyyə müşaviri Kamran Əliyevin namizədliyini irəli sürüb.
Deputat Vahid Əhmədov deyib ki, Kamran Əliyevi hamımız çox yaxşı tanıyırıq və o, kifayət qədər təcrübəli şəxsdir.
O təklif edib ki, bu səbəbdən çıxışlar olmasın: "Çünki bu gün gündəliyə daxil olan məsələlərin sayı kifayət qədər çoxdur".
Spiker Sahibə Qafarova əmin olduğunu bildirib ki, Kamran Əliyev Baş Prokuror vəzifəsini layiqincə yerinə yetirəcək.
Müzakirələrdən sonra məsələ səsverməyə çıxarılaraq qəbul edilib.
Bütün xəbərlər Facebook səhifəmizdə
USD
EUR
GBP
RUB