"Münxendən sonra Paşinyanın komandası yerin altına girdi" Vahe Hovhannisyan

“Münxendən sonra Paşinyanın komandası yerin altına girdi. Möhtəşəm parlamentdən əsər əlamət qalmadı.“37 konstitusiyaya ibadət edənlərin” heç biri məsələ ilə bağlı fikir söyləmədilər”. SİA-nın erməni mətbuatına istinadən verdiyi xəbərə görə, bu fikirləri sabiq erməni deputat "Altenativ layihələr" qrupunun üzvü Vahe Hovhannisyan Fevralın 15-də Münxen Təhlükəsizlik Konfransı çərçivəsində keçirilən Ermənistan-Azərbaycan Dağlıq Qarabağ münaqişəsi ilə bağlı panel müzakirələri şərh edərkən deyib.

Onun sözlərinə görə, baş verənlər təkcə Paşinyanın faciəsi deyil, bu o deməkdir ki, ölkədə siyasi çoxluq, siyasi sistem, siyasi düşüncə yoxdur və buna görə də bu və digər məsələlərdə böyük bir uğursuzluğun qarşısını almaq üçün zəmanət yoxdur: “Bu çox ciddi məsələdir və bununla bağlı narahat olmaq lazımdır. Dövlətimizdə olan bu vəziyyət bizim üçün ən böyük riskdir. Bu o deməkdir ki, bugünkü siyasi düşüncə və mənbələr ölkəni irəliləyə apara bilməz”.

“Qarşımızda duran əsas sual Azərbaycanla qarşıdurma içində olub-olmamaqdan ibarətdir. Daha Qalib gələn tərəf daha tez modernləşən, sağlam siyasi təfəkkürə, sağlam cəmiyyətə sahib olan, müasir dövlət olacaq”.

Müəllif: Nailə Məhərrəmova

Bütün xəbərlər Facebook səhifəmizdə

loading...