"Biz Dağlıq Qarabağ münaqişəsi ilə bağlı həmişə Azərbaycanın yanındayıq. Türkiyə ATƏT-in Minsk Qrupu çərçivəsində hər cür köməkliyi göstərməyə hazırdır". SİA-nın məlumatına görə, bunu Bakıda Azərbaycan xarici işlər naziri Elmar Məmmədyarovla görüşdən sonra Türkiyənin xarici işlər naziri Mövlüd Çavuşoğlu deyib.
Nazir deyib ki, o Sergey Lavrovla Alanyada Dağlıq Qarabağ münaqişəsi ilə bağlı məlumat mübadiləsini etdik: "Biz görüşdə münaqişənin Azərbaycanın ərazi bütövlüyü çərçivəsində həll olunmasını dedik".
M.Çavuşoğlu FETÖ terror təşkilatının Türkiyədə hakimiyyət dəyişikliyi cəhdindən də danışıb: "Azərbaycan bizə dəstək verdiyi üçün bu ölkəyə təşəkkür edirəm. Azərbaycanın bu dəstəyini unutmayacağıq. Azərbaycanın dərdi bizim dərdimiz, sevinci bizim sevincimizdir".
O həmçinin Azərbaycan iqtisadiyyatının şaxələndirilməsinin dəstəklədiyini bildirib və türk şirkətlərini bu işdə aktiv olmağa çağırıb.
Bütün xəbərlər Facebook səhifəmizdə
USD
EUR
GBP
RUB