Son günlər Azərbaycan Xalq Cəbhəsi Partiyasının (AXCP) daxilində gərginlik pik həddə çatıb. İstefa verənlərin ardı-arası kəsilmir. İstefa verənlərin ardı-arası kəsilmir. AXCP sədrinin keçmiş müavini Razi Nurullayevin yaratdığı AXCP-nin Etimad Qurultayı Təşkilat Komitəsini dəstəkləyənlərin sayı hər gün artmaqdadır. AXCP-nin Suraxanı payon Təşkilatındakı "Hövsan-2" dayaq dəstəsinin daha 6 nəfər üzvü Əli Kərimlinin sədri olduğu təşkilatdan istefa verərək, Razi Nurullayevin başçılıq etdiyi quruma keçdiklərini bildiriblər. Əsas səbəb kimi isə AXCP daxilində baş verən hərc-mərcliyə, demokratik mühitin pozulmasına, gənclərə qarşı repressiya xarakterli rejimin mövcudluğunu göstərirlər. Gənclər bu günə kimi Əli Kərimlinin apardığı yalnış siyasətin qurbanı olduqlarını dilə gətirməklə qeyd edirlər ki, partiya onlardan ancaq aksiyada mitinqlərdə şüar səsləndirmək, plakat tutmaq üçün istifadə edib. SİA həmin gənclərin açıqlamalarını oxucularına təqdim edir.
.jpg)
AXCP Suraxanı rayon şöbəsinin gənclər komitəsinin keçmiş sədri Ehtiram Mehdiyev: "Gəncliyin ruhunu istifadə edilməyən tarla kimi özbaşına qoysan, orada gicitkən və tikandan başqa bir şey tapa bilməzsən. Mən 2009-cu ildə könüllü şəkildə AXCP sıralarına üzv olmuşam. AXCP də olan hər kəs kimi əvvəllər mən də Əli Kərimlini "supermen" kimi görürdüm. 2010-cu ildə Əli Kərimlinin şəxsi təyinatı ilə AXCP Suraxanı rayon şöbəsinin gənclər komitəsinin sədri oldum və az müddət ərzində ətrafıma yüzlərlə gənc topladım. Partiyada uğursuz siyasəti görüb tənqidə başladığmda isə məni partiyadaxili işlərdən uzaq tutmağa başladılar. Bizə öz liderinə qarşı çıxmamağı, istənilən halda onu tənqid etməməyi əmr kimi qəbul etdirmişdilər. Artıq Əli Kərimli erasına birlikdə son qoymalıyıq. Bizə 23 ildi öz şəxsi mənafeyinə qulluq edən müxalifət yox, yeni fikirli, intellektual gənclər lazımdır. Əli Kərimli illərdir ki, gənclərdən qul kimi istifadə edir. Bu, yol verilməzdir. O, onlarla gənci partiyadan bezdirib istefa etmələrinə zəmin yaradıb. Qarşıdan qurultay gəlir. Düşünürəm ki, Əli Kərimli bu qurultaya getməyəcək. Çünki qurultaya getsə, gərək istefa versin. Onu istefa verməyə məcbur edəcəklər. Ona görə də biz AXCP-ni öz şəxsi biznesi kimi idarə edən Əli Kərimlidən alıb xalqa qaytaracağıq".
.jpg)
AXCP-nin Suraxanı rayon təşkilatından istefa verən gənc Cavid Nəbiyev: "AXCP də olduğum müddətdə Əli Kərimlini hər zaman dəstəkləmişəm. Amma son zamanlar partiyada gördüklərim məni oradan uzaqlaşdırdı. Dəfələrlə Əli Kərimliyə görə döyülmüşəm, cərimələnmişəm. Bunun müqabilində isə heç zaman partiyadan dəstək görmədim. Bir insan belə mənim problemlərimlə, həyatımla maraqlanmadı. Bu gün məni xəyanətdə suçalyanlara demək istəyirəm ki, mən təmsil olunduğum partiyaya heç vaxt xəyanət etməmişəm. Elə adamlar mənim ünvanıma mesaj göndərirlər ki, halbuki mən orda olanda heç onların izi-tozu da yox idi. Bu günə kimi fəhləlik edib partiyaya kömək etmişəm. Onların heç birini halal etmirəm. İndi haqqın yanındayam, Razi bəyin siyasətini dəstəkləyirəm. Bundan sonra kimin nə deyəcəyi məni maraqlandırmır".
(2).jpg)
AXCP-nin Suraxanı payon Təşkilatındakı "Hövsan-2" dayaq dəstəsinin istefa verən üzvü Vilayət Muxtarov: "Əli Kərimli ölkədə demokratiya axtarır amma partiyasından xəbəri yoxdur. Öncə bir get partiyadaxili proseslərə bax, sonra bu cür bəyanatlar səsləndir. Özü bilə-bilə bizi güclə meydanlara göndərib sonra da tutdururdu. "Azadlıq"qəzetinə abunə edib ayda 10 manatımızı alırdılar. Amma bizə konkret demirdilər ki, qəzetə yığırıq. Deyirdilər ki, qəzetimizi dövlət cərimələyib, ona görə də kömək etmək lazımdır. Digər bir tərəfdən də indi Əli Kərimlinin ətrafında özü kimi bir neçəsi var ki, bizə satqın deyir. Biz satqın deyilik, biz satqınlara qarşı çıxanlarıq. Özlərini sığortalamaqdan ötrü min bir yalana əl atanların danışmağa haqları yoxdur".
İntizarə Məmmədova
Bütün xəbərlər Facebook səhifəmizdə
USD
EUR
GBP
RUB