AXCP sədri Əli Kərimlinin Ukrayna mövzusunda çıxış etməsi cəbhəçi-müsavatçı qarşıdurmasına yenidən təkan verib. Belə ki, Əli Kərimli Ukrayna hakimiyyətini qətiyyətsizlikdə ittiham edib və Müsavat Partiyası başqanının müavini Gülağa Aslanlı onun fikirlərini ciddi hesab etmədiyini deyib. SİA-nın məlumatına görə, müsavatçı funksioner deyib ki, Əli Kərimlinin fikirləri absurddur: "Ukrayna hakimiyyətində kifayət qədər təcrübəsi olan insanlar var və onların ən yaxşı məsləhətçiləri də Avropa İttifaqı ölkələridir. Bu baxımdan düşünürəm ki, onlar nə etdiklərini yaxşı başa düşürlər. Buna görə də səslənən fikirlər absurddur".
Qeyd edək ki, AXCP sədrinin müavini Fuad Qəhrəmanlı Gülağa Aslanlıya cavabını gecikdirməyib. Cəbhə rəsmisi Gülağa Aslanlını ağılsız adlandırıb: "Kimsə bu doğrunu qəbul etmirsə, bu artıq onun əqli problemi ilə bağlı olan məsələdir".
USD
EUR
GBP
RUB
