"Abbas Abbasovun Azərbaycanla bağlı çirkli işlərdə iştirak etməsi ilə bağlı fikirlər səslənir. Əgər bu faktlar həqiqətə uyğundursa, biz buna böyük təəssüf edirik". SİA-nın məlumatına görə, bunu jurnalistlərə açıqlamasında hakim Yeni Azərbaycan Partiyasının (YAP) Sədr müavini - icra katibi, millət vəkili Əli Əhmədov Abbas Abbasovun son günlər yaydığı bəyanata münasibət bildirərkən deyib.
A. Abbasovun Azərbaycanda uzun müddət yüksək dövlət vəzifələrini icra etdiyini xatırladan Ə. Əhmədov qeyd edib ki, Ulu Öndər Heydər Əliyev ona böyük etimad göstərib: "Ondan sonra Azərbaycan prezidenti İlham Əliyev də ona böyük etimad göstərib. Əgər bütün bu etimadlardan sonra o, Azərbaycanda Ulu Öndər Heydər Əliyevin siyasətinin həyata keçirilməsinə qarşı çıxan hərəkətlər edəcəksə, Azərbaycan vətəndaşları bunu qəti şəkildə pisləyəcəklər. Ona görə də hesab edirəm ki, Abbas Abbasov bundan ciddi nəticələr çıxarmalıdır. Azərbaycan adını daşıyan, azərbaycanlı olan hər kəs hansı ölkədə yaşamasından asılı olmayaraq, milli maraqları qorumalı, buna uyğun hərəkət etməlidir".
YAP-ın V qurultayında dövlət başçısı İlham Əliyevin yenidən prezidentliyə namizədliyinin irəli sürüldüyünü xatırladan Ə. Əhmədov bildirib ki, Azərbaycan seçicilərinin böyük əksəriyyəti İlham Əliyevi birmənalı olaraq dəstəkləyəcək: "Təkcə Azərbaycanda deyil, Azərbaycandan kənarda yaşayan azərbaycanlılar da İlham Əliyevin namizədliyini Azərbaycanın inkişafına təkan verə biləcək, təhlükəsizliyini təmin edəcək zəruri hal hesab edirlər. Bütün bu reallıqları nəzərə alaraq hesab edirəm ki, buna qarşı gedənlər əslində Azərbaycana qarşı durmuş olurlar. Azərbaycan vətəndaşları da buna qarşı sərt mövqe bildirəcəklər".
Bütün xəbərlər Facebook səhifəmizdə
USD
EUR
GBP
RUB