Azərbaycan Respublikası Prezidenti Administrasiyasının rəhbəri, akademik Ramiz Mehdiyevin başçılığı ilə nümayəndə heyəti İrana səfəri çərçivəsində bu ölkənin İslam Şurası Məclisinin sədri Seyid Əli Laricani ilə görüşüb.
Görüşdə Azərbaycan-İran münasibətlərinin hərtərəfli inkişafının əhəmiyyətinə dair səmərəli fikir mübadiləsi aparılıb. Qeyd olunub ki, ölkələrimizin tərəqqisi və inkişafı qarşılıqlı maraq doğuran məsələdir. Azərbaycan-İran münasibətlərinin inkişafı tarixi və mədəni tellərlə bir-birinə bağlı olan xalqlarımızı daha da doğmalaşdırır. Bildirilib ki, əlaqələrin bütün parametrlər üzrə inkişaf dinamikasının bundan sonra da səmimilik şəraitində davam etdirilməsi böyük əhəmiyyət daşıyır.
İran-Azərbaycan parlamentlərarası dostluq qrupunun üzvləri də görüşdə iştirak ediblər.
Bütün xəbərlər Facebook səhifəmizdə
USD
EUR
GBP
RUB