Demokratik İslahatlar Partiyasının (DİP) sədri Asim Mollazadə Avropa Birliyinin (AB) Cənubi Qafqaz və Gürcüstanda böhran üzrə nümayəndəliyinin siyasi məsləhətçisi Luiz Mikkelsonla görüşüb. Partiyadan SİA-ya verilən məlumata görə, görüşdə Ermənistan-Azərbaycan münaqişəsi və Cənubi Qafqazdakı digər münaqişələrin həlli, Azərbaycandakı ictimai-siyasi vəziyyət, Azərbaycanın AB ilə münasibətləri, "Şərq Tərəfdaşlığı" layihəsi çərçivəsində əlaqələri, ölkəmizin Avroatlantik strukturlara inteqrasiyası müzakirə olunub. A.Mollazadə Ermənistan-Azərbaycan münaqişəsinin həllinə Avropa İttifaqının dəstəyinin zəruriliyini ifadə edib.
Görüşdə həmçinin Azərbaycanda demokratik institutların inkişafı, islahatların həyata keçirilməsinə AB-nin verə biləcəyi töhfələr barədə fikir mübadiləsi də aparılıb.
Bütün xəbərlər Facebook səhifəmizdə
USD
EUR
GBP
RUB