YAP-dan başqa daha iki rəsmi orqanın – Azərbaycan Konstitusiya Məhkəməsinin rəsmi saytı və Rabitə və İnformasiya Nazirliyinin Məlumat-İnformasiya Mərkəzinin rabita.az saytı da xakerlər tərəfindən dağıdılıb. Rabitə və İnformasiya Texnologiyaları Nazirliyinin mətbuat xidmətinin rəhbəri Müşfiq Əmirov bildirdi ki, xakerlərin haradan hücum etməsini hələ ki aydınlaşdırmaq mümkün deyil. Bu istiqamətdə araşdırmalar davam etdirilir.
"Azerian Cyber Army" adlı haker qrupunun növbəti qurbanı Daxili İşlər Nazirliyinin rəsmi saytı mia.gov.az olub. Axşam saatlarında Təhsil Nazirliyinin edu.gov.az və Azərbaycan Respublikasında texniki-peşə təhsilinin inkişafı üzrə Dövlət Proqramının saytı, Dövlət Gömrük Komitəsi, Xüsusi Dövlət Mühafizə Xidmətinin, "Azərmarka"nın, "Rabitə dünyası\" qəzetinin, Azərbaycan Respublikasının Prezidenti yanında QHT-lərə Dövlət Dəstəyi Şurasının cssn.gov.az saytı, faktxeber.az saytı və "trend.az" informasiya agentliyinin saytları dağıdılıb. Dağırdılan saytların siyahısından isə aydın olur ki, hücum bir neçə istiqamətdə və məqsədyönlü şəkildə aparılıb. Hücuma məruz qalan saytların siyahısı həm də onu göstərir ki, məqsəd Azərbaycanın dövlət qurumlarının saytlarını sıradan çıxarmaqdır. Millət vəkili Bəxtiyar Sadıqov hesab edir ki, dövlət əhəmiyyətli saytlara hücum edilirsə, bu belə nəticəyə gəlməyə əsas verir ki, bu bir nöqtədən idarə olunur və qəsdən törədilən bir hadisədir: "Bu hadisəyə düşmənçilik hərəkəti adlandırıram.Çox cılız yaramaz mübarizə metodudur. Azərbaycanda mətbuat azadlığı var. Azərbaycan iqtidarı çox şəffaf şəkildə fəaliyyət göstərir. Əgər bu saytların dağıdılmağına əgər kimsə güman edirsə ki, Azərbaycanda gedən quruculuq işlərinə kölgə sala biləcəklər, yanılırlar. Azərbaycan yüksək sürətdə inkişaf edir və edəcək".
Azərbaycan İnternet Forumunun prezidenti Osman Gündüz isə deyir ki, bu adi xaker hücumu deyil, bizim dövlətə qarşı aparılan kiber müharibədir: "Hansı ki, kütəvi olaraq 40 kimi dövlət orqanının internet saytlarını dağıtmaq bu artıq kiber müharibədir. İndiyədək hücumlar ayrı-ayrı saytlara və daha çox qeyri-hökumət qurumlarının saytlarına olurdu. Lakin indi dövlət orqanları, o cümlədən güc qurumları zərbə altında qalıb. Buna görə məsuliyyət daşıyan şəxslərin açıqlama verməsi zəruridir". Hazırda bunun hansı məqsədlərlə törədildiyini aydınlaşdırmağın çətin olduğunu dəyən ekspert baş verənlərin hər hansı bir ölkənin və ya maliyyə qruplarının hücumunun ehtimal edildiyini deyir, hər bir variantda Azərbaycan üçün nəticə ağırdı.
Qeyd edək ki, Azərbaycanda dövlət orqanlarının internet resurslarının qorunması istiqamətində bir neçə il əvvəl ciddi addımlar atılıb. Bununla bağlı Azərbaycan prezidentinin sərəncamına əsasən dövlət orqanlarında hər hansı biri məxfi sənədin interneti açıq olan kompüterdə saxlanmasına icazə verilmir. Əgər ehtiyyatsızlıq üzündən hər hansı bir məxfi informasiya cəmiyyətə sızarsa, həmin şəxslər cinayət məsuliyyəti daşıyır.
Bütün xəbərlər Facebook səhifəmizdə
USD
EUR
GBP
RUB