Türkiyənin baş naziri Ermənistan prezidentinin
sərsəm çıxışı ilə bağlı açıqlama verib. SİA-nın məlumatına görə, baş nazir
Sarkisyanın davranışının bir diplomata yaraşmadığını bildirib: "Dəyərli
yoldaşlar, bu bir dövlət xadiminə və ya bir prezidentə yaraşan ifadə tərzi,
yanaşma forması deyil. Gələcək nəsillərə kin və nifrət aşılamaq dövlət xadiminə yaraşmaz. Serj
Sarkisyanın etdiyi bir təhrikdir, öz gəncliyinə kin və nifrət hissi aşılamağa
səy göstərməkdir. Bununla Ermənistan gəncliyinin gələcəyi nə olacaq? Bu gedişlə
qaranlıq olacaq, bu hadisələrə hər zaman qara eynəklə baxacaq. Bunu mütləq
bilməlidirlər. Hazırda Dağlıq Qarabağ ərazisi işğal edilib və işğalçılar
məlumdur. Bunu yalnız biz demirik, bunu BMT də deyir. Bu, sübut olunub. Bu,
həll edilməlidir. Bunun həllinə indiyə qədər mənfi yanaşma Ermənistan
tərəfindədir. Azərbaycan hər zaman müsbət yanaşma ortaya qoyub. "Siz hazırda
Dağlıq Qarabağı bizdən təhvil aldınız, biz ölüb gedəcəyik, Ağrını da siz
alacaqsınız" - belə bir məntiq olarmı? Belə bir anlayış olarmı? Gəncliyə belə
bir istiqamət, belə bir üfüq verilərmi? Bu nə deməkdir? Ey gənclər, Ermənistan Türkiyə ilə bundan sonra istədiyi kimi,
istədiyi şəkildə bir müharibəyə də girə bilər. Bunların hamısını rədd edirik.
Belə bir dövlət xadimi, belə bir diplomatiya olmaz. Sarkisyan burada ciddi bir
səhv edib. Tarixi bir səhvi birbaşa özü təsdiq edərək deyib. O, üzr
istəməlidir, bu səhvindən dönməlidir".
Bütün xəbərlər Facebook səhifəmizdə
USD
EUR
GBP
RUB