İyrənclik rəmzi... - RAKURS

Paris Olimpiadasında pedofilin Olimpiadada iştirakına icazə verildi

Paris-2024-də baş verənlərbütün mənalarda rəzillikdir, həm də olimpia oyunlarının təşkiatçıları tərəfindən aylarla hazırlıq görülmüş, bir neçə dəfə keçirilmiş məşqlərdən sonra təsdiqolunmuş proqramlardır. Yəni, burada təsadüfi kadrlar ola bilməzdi. Deməli Fransa dövləti bu rəzilliyi, biabırçılığı özü təşkil edib. Olimpiya Oyunlarının açılış mərasimində saqqallı qadın və qadın paltarı geyinmiş kişilərin ifasında “Son şam yeməyi”nin parodiyası nümayiş etdirilib.

Bütün dünya liderləri mərasimdə İsa Məsihin surətinin təhqiramiz şəkildə nümayiş etdirilməsini pisləyiblər. Parisdə İsa Məsihin təsvirinin təhqiramiz olduğunu və bütün qırmızı xətlərin keçildiyini bildirib, xristianlığın zəngin tarixi olan Fransanın utanmalı olduğu qeyd edilib. Fransanın bu addımı bütün dünyanın, o cümlədən ölkə yepiskopunun kəskin tənqidinə səbəb olub. Paris Olimpiadasının təşkilat komitəsi qalmaqallı parodiyaya görə üzr istəyib. Fransanın paytaxtı Parisdə 24 iyuldan start götürən və avqustun 11-nə qədər keçiriləcək Yay Olimpiya Oyunlarda bir sıra qəribə məqamlar diqqət çəkib. Bunlardan biri Olimpiya Oyunlarının rəsmi açılış mərasiminin videosunun rəsmi sayt və “YouTube” kanalından silinməsidir.

Yay Olimpiya Oyunlarının Təşkilat Komitəsindən verilən açıqlamaya görə, bu addım geo bloklama ilə bağlıdır. “Geo bloklama” termini daha çox internetdə filmlər və televiziya şouları kimi premium multimedia məzmununa girişin məhdudlaşdırılması, müəllif hüquqları və lisenziyalaşdırma kimi səbəblər ilə əlaqəlidir. Bu oyunların rəsmi açılış mərasimi ilə bağlı ilk belə skandal deyil. Belə ki, Fransanı tənqid atəşinə tutanlar arasında ABŞ-nin Nümayəndələr Palatasının sözçüsü Mayk Conson, italiyalı siyasətçilər və parlamentarilər, Macarıstanın Baş naziri Viktor Orban, “Tesla”nın baş direktoru İlon Mask da var. Açılış mərasiminin tənqid olunmasının səbəblərindən biri tədbir zamanı Leonardo Da Vinçinin məşhur əsəri olan şam yeməyinin təsviri olub. Xristianlar üçün müqəddəs hesab edilən bu hadisənin çılpaq müğənni tərəfindən təqdimatı birmənalı qarşılanmayıb. Performans zamanı bir masanın ətrafına toplaşan və İsa Məsihlə onun 12 həvarisinin portretini xatırladan bu çıxış ciddi tənqidə məruz qalıb. Fransanın katolik kilsəsi sosial şəbəkə hesabında tədbirlə bağlı etirazını bildirib. “Təəssüf ki, bu mərasimdə xristianlığı ələ salan səhnələr var idi və biz bundan çox təəssüflənirik", – deyə məlumatda qeyd olunub.

Milyarder İlon Mask Paris Olimpiadasının açılış mərasiminin xristianlara qarşı hörmətsizlik olduğunu bildirib. Bu barədə o, “X” sosial şəbəkəsində mərasim iştirakçılarının Leonardo da Vinçinin “Sonuncu şam yeməyi” əsərinə parodiya etdikləri videoya münasibət bildirərkən yazıb. “Bu, xristianlara qarşı son dərəcə hörmətsizlik idi” - Mask bildirib. “Sonuncu şam yeməyi” əsəri XV əsrdə Milanda Leonardo da Vinçi tərəfindən, Lodoviko Sforsa və onun xanımı Beatriçe d'Este üçün yaradılmış divar rəsmidir. Rəsm əsərinin mövzusu Yəhya İncilində 13:21 təsvir edilmiş İsanın sonuncu şam yeməyi mövzusundan götürülüb. Bu şam yeməyi zamanı İsa on iki həvarisindən birinin ona xəyanət edəcəyini və onu satacağını bildirmişdi.

Ümumiyyətlə, Parisdəki Olimpiya Oyunların açılış mərasimi bir neçə kazus vəziyyətlə yadda qalıb. Eyfel qülləsinin yaxınlığındakı Olimpiya bayrağı bayraq dirəyinə tərsinə asılıb, stadionun diktorları KXDR nümayəndələrini Cənubi Koreyadan olan idmançılar kimi elan ediblər. Tamaşaçılar olduqları yerlərdən keçidin baş tutacağı yeri yaxşı görə bilmədiklərinə görə hələ mərasim başlamamış tribunaları tərk etməyə başlayıblar. Qalanlar isə mərasimi üstü açıq tribunada leysan yağış altında seyr etməli olublar.

Yay Olimpiadasının açılış mərasimində Fransanın dövlətə məxsus "France2" telekanalının aparıcısı Loran Delausun milli komandaların keçidi zamanı səsləndirdiyi fikirlər böyük qalamaqala səbəb olub. Fransız teleaparıcı Azərbaycan və Ermənistan idmançılarının keçidi zamanı ayrı-seçkilik edib, Azərbaycanı Ermənistanla hərbi toqquşmalarda günahlandırıb. Erməni idmançılar paraddan keçərkən, o deyib: “Və təbii ki, bizim dostlarımız ermənilərdir. Ermənistan tarixən fransızların qəlbinə yaxın bir ölkədir. Ötən il Ermənistan üçün matəm ili olub və Qarabağın Azərbaycan ordusunun əlinə keçməsi və itirlməsilə nəticələnib”.

Fransa telekanalının bu təxribatı diplomatlar arasınmda mübahisəyə də səbəb olub. Fransanın Ermənistandakı səfiri Olivye Dekotini “X” sosial şəbəkəsiondə “Frans2” telekanalının aparıcısının sözlərini sitat olaraq paylaşıb. Azərbaycan Respublikasının Niderland Krallığındakı fövqəladə və səlahiyyətli səfiri Rəhman Mustafayev isə "X" sosial şəbəkəsində fransız teleaparıcı və səfirə cavab verib. “Ermənilər təbii ki, sizin dostlarınızdır. Amma Qarabağın “yıxılması” deyil, onun yeniləşməsi, dirçəlişi başlayır, gözəl perspektivləri açılır. Ermənilər “yaxşı oğlanlar” olsalar, bu perspektivlərdən yararlana biləcəklər”, - deyə azərbaycanlı səfir fransızca onlara cavab yazıb. Rəhman Mustafayevin reaksiyası Fransanın Ermənistandakı səfiri Olivye Dekotinini özündən çıxarıb. O, “Qarabağ ermənilərinin öz evlərinə qayıtmaq hüququ var”, - deyə “X” platformasında azərbaycanlı səfirin paylaşımına qarşı qəzəbini ifadə edib. Əlbəttə, Fransanın “France 2” telekanalının Olimpia Oyunlarının prinsiplərinə yad mövqe sərgiləməsi və Bakının ünvanına səsləndirdiyi qərəzli və yalançı fikirlərlə bağlı Beynəlxalq Olimpiya Komitəsinə (BOK) şikayət edilib.

Olimpiadada pedofil hollandiyalı

Olimpiadada uşaq təcavüzünə görə məhkum edilmiş hollandiyalı Stiven van de Veldenin çimərlik voleybolu yarışında iştirakı ilə bağlı qalmaqal yaranıb. Tamaşaçılar onu səs-küylü etirazlarla oyunu tərk etməsini istəyiblər. Amma nə BOK, nə də Hollandiya komandasının nümayəndələri problem anlasalar da onun oyunu tərk etməsini başa düşməyiblər.

Eyfel qülləsini dolduran günəş işığı Olimpiya hərəkatının tarixinin ən qaranlıq fəsillərindən biri üçün uyğun olmayan fondur. Parisin böyük simvolunun ətəyində mavi səma altında çimərlik voleybolu, şəhərin üstündə uçur - görünür, xoşbəxtlik üçün başqa nə lazımdır? Bununla belə, tamaşaçılar bəyənməyərək - getdikcə daha yüksək və israrla hollandiyalı pedofil oyunçunu fitə basıblar. Axı, Stiven van de Velde parlaq narıncı formada qum üzərində çıxış etməsi, dünyada ilk onluğa daxil olması ilə deyil, uşaq təcavüzünə görə məşhurdur. Səkkiz il əvvəl, Amsterdamdan Milton Keynsə birlikdə getdiyi 12 yaşlı qızı zorladığına görə onu dörd il həbs cəzasına məhkum edən Aylesberi hakimi ona deyib: “Sən olimpiyaçı olmaq üçün məşq edirdin. Amma indi ölkəmi təmsil etmək ümidlərim puç olub”. Bununla belə, o, burada heç nə olmamış kimi dünyanın ən yüksək səhnəsində Hollandiyanın “şərəfini” qoruyur.

Hollandiya nümayəndə heyəti yorulmadan israr edir ki, Van de Velde dəyişib. Deyirlər ki, o, zorlamanı törədəndə 19 yaşında idi, indi isə 29 yaşındadır və Olimpiya Komitəsinin dediyi kimi, “yaxın nəzarət altında reabilitasiya prosesi” keçib. O, almaniyalı beynəlxalq çimərlik voleybolçusu Kim ilə evlidir və iki yaşlı oğlu var. Hollandlar deyirlər ki, bu, bərpaedici ədalət prinsipləridir, hətta cinayəti dərindən iyrənc olan cinayətkarın həyatını yenidən qurmasına və cəmiyyətə qayıtmasına icazə verilir.

Bununla belə, cəmiyyətə qayıtmaq hüququ ilə olimpiyaçının uğurları arasında böyük fərq var. Parisdə keçirilən yarışın bütün iştirakçıları tərəfindən imzalanan İdmançıların Bəyannaməsinin yeddinci maddəsində heç bir söz kəsilmədən deyilir: “Nümunə ol”. O, azad insan ola bilər, amma heç bir halda nümunə deyil - Van de Velde bu epiteti çoxdan və dönməz şəkildə itirib. Van de Velde və onun ortağı Metyu İmmers qrup mərhələsində İtaliyaya qarşı ilk oyununda məğlub oldular. Bununla belə, nəticə yalnız oyundan sonrakı müsahibə sahəsində son dərəcə gərgin səhnələrin müqəddiməsi idi. Van de Velde üç mühafizəçinin müşayiəti ilə tez bir zamanda otaqdan çıxarılıb.

Van Vliet bütün razılaşmaların BOK tərəfindən dəqiqləşdirildiyini təsdiqləyib. Lakin dünyanın idarəedici orqanı qalmaqaldan tez uzaqlaşıb. BOK-un sözçüsü Mark Adams: “Aydındır ki, ilkin seçimi Hollandiya Milli Olimpiya Komitəsi edir. Onlar gördükləri əlavə təhlükəsizlik tədbirləri ilə bağlı geniş bəyanat yayıblar. Mən bunu heç bir şəkildə qəbul etmirəm, amma bu, on il əvvəl baş verib və düşünürəm ki, biz reabilitasiya imkanlarına imkan verməliyik”.

Van de Veldenin iştirakının qızışdırdığı qəzəb dalğasını nəzərə alsaq, bu, tamamilə absurd cavabdır. Hollandiyalılar onu nəinki milli komandaya seçərək qəhrəman edib, həm də ona digər iştirakçılarda olmayan səlahiyyətlər verib. Məcburi media vəzifələrindən azad olmaqla yanaşı, ona Olimpiya kəndindən kənarda yaşamağa icazə verilib. Bununla belə, Van Vliet onun hələ də millinin düşərgəsində iştirakına icazə verildiyini təsdiqləyib.

Daha dəhşətlisi isə Van de Veldenin Olimpiya səhnəsində təltif edilməsidir. Bu, Böyük Britaniya, ABŞ və Avstraliyada şok və çaşqınlıq yaratsa da, Hollandiya məsələyə çox normal yanaşıb. Görünür , hollandiyalı siyasətçilər Türkiyə Prezidenti Rəcəb Tayyib Ərdoğanın “Bir millət, iki dövlət”prinsipindən çıxış edərək “Qarabağa girdiyimiz kimi, İsrailə də girərik” fikirlərini izi azdırmaq üçün qəzetlərin manşetinə gətiriblər. Hollandiyanın sağçı Azadlıq Partiyasının lideri Geert Vilders Türkiyə prezidenti Rəcəb Tayyib Ərdoğanı “islamofaşist” adlandırıb. O, Türkiyənin NATO-dan çıxarılmasını tələb edib. “İslamofaşist Ərdoğan İsraili işğal etməklə hədələyir. Türkiyə NATO-dan çıxarılmalıdır”, – deyə siyasətçi X sosial şəbəkə hesabında yazıb.
İyulun 27-də İsrailin nəzarətində olan Qolan təpələrinin bir hissəsi Livan ərazisindən kütləvi atəşə məruz qalıb. İsrail ordusunun məlumatına görə, mərmilərdən biri Qolan təpələrində uşaqların olduğu futbol meydançasına düşüb. 10-20 yaş arası 12 nəfər həlak olub, onlarla insan yaralanıb. İsrail, zərbələrin Hizbullah tərəfindən İran raketlərindən istifadə edərək həyata keçirildiyini bildirir. Hərəkat hücumlarda iştirakını rədd edir.

Polşa xarici işlər nazirinin müavini Teofil Bartoşevski isə bir az da irəli gedərək Macarıstanın baş naziri Viktor Orbanın Qərb ölkələrinin Rusiyaya qarşı hərəkətlərinin irrasional olması barədə bəyanatını şərh edib. Cənab Bartoşevski Rusiya Federasiyası ilə müttəfiqlik etmək istədiyinə görə Macarıstanın Avropa İttifaqı və NATO-dan çıxmasını təklif etdi. “Həqiqətən başa düşmürəm ki, Macarıstan niyə bu qədər sevmədiyi və guya ona bu qədər pis münasibət bəsləyən təşkilatların üzvü olaraq qalmaq istəyir. Niyə Viktor Orban Vladimir Putin və bu tipli bəzi avtoritar dövlətlərlə ittifaq yaratmasın?” - Teofil Bartoşevski deyib. Polşa xarici işlər nazirinin müavininin sözlərinə görə, Macarıstanın siyasəti Avropa İttifaqında qüvvələr balansının dəyişməsinə gətirib çıxarıb və həm də Aİ, Polşa və Ukraynaya qarşı yönəlib. O, həmçinin Budapeştin indi "beynəlxalq ictimaiyyətin kənarında" olduğunu söyləyib.

Viktor Orban iyulun 27-də bildirib ki, Ukraynada münaqişənin başlamasından sonra Rusiyaya qarşı çıxan bir çox ölkələr öz mövqelərindən uzaqlaşırlar. O əlavə edib ki, Qərbin əsas problemi onun parçalanmasıdır və bu ölkələrin hərəkətləri gözlənilməzdir. Onun sözlərinə görə, Rusiya çeviklik və görkəmli iqtisadi canlılıq nümayiş etdirib.

Parisə qayıdaq…

Slovakiya Parisdəki Olimpiya Oyunlarının bağlanışında iştirak etməyəcək. Bu barədə baş nazir Robert Fitsonun müavini Tomas Taraba Feysbuk səhifəsində məlumat verib: “Bağlanış mərasimində Slovakiyanı təmsil etməli idim. Lakin bu Olimpiada həmişə idmanın gözəlliyindən sui-istifadə edən, onu mütərəqqi siyasi teatra çevirən iyrənclik rəmzi olaraq qalacaq. Buna görə də bağlanış mərasimində iştirak etməmək qərarına gəldim”.

Parisdə Yay Olimpiya Oyunlarında başqa bir rüsvayçılıq da baş verib. Mənbənin sözlərinə görə, yapon reqbiçinin nikah üzüyü və üç min avrosu oğurlanıb, Avstraliya bandi komandasının məşqçisinin isə bank kartı oğurlanaraq 900 avro pulu çıxarılıb. Qeyd olunur ki, zərərçəkmişlərin otaqlarında məcburi içəri girmə izləri aşkar edilməyib.

Bundan əvvəl, iyulun 26-da Braziliya futbolunun əfsanəsi və ÇSKA-nın keçmiş baş məşqçisi Zikonun da Parisdə qarət edildiyi məlum olub. Ondan içərisində brilyant qaşlar, Rolex saatı, boyunbağı və nağd pul olan çamadan oğurlanıb. Ümumi ziyan 540 min dollar təşkil edib. İyulun 25-də Argentina Olimpiya komandasının yarımmüdafiəçisi Tiaqo Almada Parisdə quldurların qurbanı olub. Cənubi amerikalıların baş məşqçisi Xavyer Maskerano olimpiya turnirinin qrup mərhələsinin ilk turunun Mərakeş millisi ilə oyunundan sonra TyC Sports-a müsahibəsində bunu açıqlayıb.

V.VƏLİYEV