Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 90 halda yanğına çıxış, 10 halda köməksiz vəziyyətdə qalma və bir avtonəqliyyat qəzası faktı üzrə qəza-xilasetmə əməliyyatları həyata keçirilib. Nazirlikdən SİA-ya bildirilib ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas edilməsi təmin olunub.
Ümumilikdə, FHN-in qüvvələri ötən sutka ərzində biri azyaşlı olmaqla 12 nəfəri, o cümlədən dənizdə çimərkən batma təhlükəsi olan 7 nəfəri və Ağsu rayonunun Qiyaslı kəndində “ВАЗ” markalı minik avtomobilinin yol kənarındakı maneəyə çırpılması nəticəsində deformasiyaya uğrayan nəqliyyat vasitəsində sıxılı vəziyyətdə qalmış bir nəfəri xilas ediblər.
Bütün xəbərlər Facebook səhifəmizdə
USD
EUR
GBP
RUB