"Azərbaycana işləmək üçün gələn əcnəbilərin sosial sığortalarının ödənməsinə nəzarət gücləndirilib. Buna görə də Dövlət Sosial Müdafiə Fondu (DSMF) yaxın vaxtlarda bazaların birləşdirilməsi haqqında Dövlət Miqrasiya xidməti ilə müqavilə bağlayacaq". SİA-nın məlumatına görə, bunu DSMF-nin sədri Səlim Müslümov bildirib.
Onun sözlərinə görə, bu müqaviləyə uyğun olaraq Fondda qeydə alınmış xarici ölkələrin vətəndaşları haqqında məlumatlar Miqrasiya xidmətinə təqdim ediləcək: "Öz növbəsində Miqrasiya xidməti də Azərbaycanda əmək fəaliyyəti ilə məşğul olmaq üçün onlardan icazə almış bütün xarici ölkə vətəndaşları haqqında məlumatları DSMF-yə ötürəcək. Bu məlumatlarda əcənəbilərin hansı şirkətlərin dəvəti ilə gəldikləri də məlum olacaq. Hər iki orqan nəticədə bu sahəni ciddi nəzarətdə saxlaya biləcəklər".
S.Müslümov vurğulayıb ki, hazırda DSMF-də 13 min 500 nəfərə yaxın qeydiyyatda olan xarici ölkə vətəndaşı var. Bunun əsas hissəsini Türkiyə vətandaşları təşkil edir. Qalan hissəsi isə 70-ə yaxın ölkələrdən gəlib.
Bütün xəbərlər Facebook səhifəmizdə
USD
EUR
GBP
RUB
