Türkiyənin "Petkim" şirkətinin rəhbərliyi və kollektivi növbəti sosial layihəyə imza ataraq 40 milyon insanın "daimi aclıq təhlükəsi" ilə üzləşdiyi Afrikaya yardım əlini uzatmağa qərar verib. SİA-nın məlumatına görə, şirkətin hər il Ramazan ayında açdığı iftar süfrələri ləğv edilib və bu il iftara xərclənməsi nəzərdə tutulmuş maliyyə vəsaiti Qızıl Aypara cəmiyyətinin hesabına köçürülüb. SOCAR-TURCAS birgə müəssisəsinin direktoru və "Petkim"in İdarə Heyətinin sədri Kənan Yavuz həyata keçirilən layihə haqqında bildirib ki, Somali başda olmaqla Efiopiya, Keniya, Tanzanya, Uqanda, Burundi kimi ölkələrdə yoxsulluq səviyyəsinin yüksək olması belə bir işi reallaşdırmağa təkan verib. Bu səbəbdən də Şirkət Türkiyənin Dini İşlər üzrə Qurumunun "Hər evdən bir fitrə, bir iftar Afrikaya" layihəsini də dəstəkləməyə başlanıb. K.Yavuz digər şirkətləri də belə bir kampaniyaya dəstək verməyə çağırıb. Avqustun 5-də başlanmış aksiya Şirkətdə 2 həftə könüllülük prinsipi əsasında davam edəcək. Bu müddət ərzində toplanacaq pul vəsaiti Dini işlər üzrə Quruma təhvil veriləcək.
Bütün xəbərlər Facebook səhifəmizdə
USD
EUR
GBP
RUB