"Nizami" kinoteatrında Azərbaycan Fotoqraflar Birliyinin (AFB) təşkilati dəstəyi ilə "İlin fotoqrafı-2014" mükafatının təqdimat mərasimi olub. SİA-nın verdiyi məlumata görə, tədbirdə 2014-cü ilə yekun vurulub, müxtəlif nominasiyalarda diplomlar və fəxri fərmanlar təqdim olunub: "AFB-yə dəstəyə görə" - Xəzər Universiteti; "Say Cheese", "Photo man-2013" və "Photo-school.eu" layihələrinə görə" – Gürcüstan Fotoqraflar Assosiasiyası; "İlin veb-saytı" - 1905.az portalı; "İlin jurnalisti" - Şirməmməd Nəzərli; "İlin televiziyası" – Regional TV; "Fotoqrafiya sənətində xidmətlərinə görə" – Fətəli Fətəliyev və Mehdi Abbasov; "İlin fotolayihəsi" – "Xocalı Harayı"; Hüseyn Hüseynzadə adına "Ümid" mükafatı – Məhəmməd İsmayılov; "İlin mətbuat fotoqrafı" – Rəsul Rəhimov mükafatlandırılıb. "Bürünc arqus" Araz Talıbova, "Gümüş arqus" Gülnarə Səlimovaya, "Qızıl arqus" Əlzamin Cəfərova təqdim edilib. "İlin fotoqrafı -2014" adına Dilavər Nəcəfov layiq görülüb.
Azərbaycan Karikaturaçı Rəssamlar Birliyi adından tanınmış şoumen Bəhram Bağırzadəyə xüsusi mükafat təqdim olunub. "Art Faktor" təşkilatının təsis etdiyi "Bədii fotoşəkil" mükafatını Fəxriyə Məmmədova qazanıb.
Bütün xəbərlər Facebook səhifəmizdə
.jpg)
USD
EUR
GBP
RUB