Qusar rayonunun Olimpiya Mərkəzində Mədəniyyətşünaslıq üzrə Elmi-Metodiki Mərkəzin təşkilatçılığı ilə Azərbaycan Xalq Cümhuriyyətinin 100 illik yubileyinə həsr olunmuş gənc mədəniyyət işçiləri arasında mini futbol üzrə II Ümumrespublika MEMM kuboku keçirilib. SİA-nın məlumatına görə, yarışın keçirilməsində məqsəd sağlam həyat tərzinin təbliği, müxtəlif mədəniyyət müəssisələrində çalışan gənc mədəniyyət işçilərinin fəaliyyətinin stimullaşdırılması, mədəniyyət və idman sintezi çərçivəsində yoldaşlıq əlaqələrinin formalaşmasıdır.
Turnirə Azərbaycan Respublikası mədəniyyət naziri Əbülfəs Qarayev və Xaçmaz Regional Mədəniyyət İdarəsinin rəisi Nazim Ağayev baş çəkiblər. Matç çərçivəsində nazir Ə.Qarayev gənc mədəniyyət işçiləri ilə qeyri formal görüş keçirib. Görüş zamanı nazir gənclərin İdeya fondunun yaradılmasına görə elektron portal təşkil edilməsi üçün tapşırıq verib. Sonra fikir mübadiləsi aparılıb.
Qeyd edək ki, qeyri-maddi mədəni isrimizin təbliğ edilməsi məqsədilə bu dəfə müxtəlif rayonları təmsil edən 8 regional komandalar “Novruz” (Xaçmaz) , “Muğam” (Ağdaş, Sabirabad), “Aşıq” (Ağcabədi, Şəki, Lənkaran), “Misgərlik” (Mədəniyyətşünaslıq üzrə Elmi-Metodiki Mərkəz), “Kamança” (Kürdəmir, Biləsuvar), “Çovqan” (Gəncə, İsmayıllı), “Xalça” (Şəmkir, Ağstafa), “Tar” (Bərdə, Sumqayıt) adları ilə YUNESKO-nun Qeyri-maddi Mədəni İrs üzrə Reprezentativ siyahısına daxil olan milli-mədəni irs nümünələrini əks etdirilir.
Turniri Xaçmaz Regional Mədəniyyət İdarəsinin Qusar üzrə nümayəndəsi Davud İbrahimxəlilov və Mədəniyyətşünaslıq üzrə Elmi-Metodiki Mərkəzin direktoru Asif Usubəliyev açaraq oyunçulara uğurlar arzulayıb.
Oyunları AFFA-nın Milli dərəcəli Baş hakim Elxan Müslümov və köməkçi hakim Ağahüseyn Əzizov idarə ediblər.
Püşkatma nəticəsində oynayan “Tar” və “Novruz” komandalarının matçı 1-3 hesabı, “Muğam”- “Misgərlik” 3-1, “Aşıq”-“Çovqan” 2-2, penalti seriyasından sonra 6-5, “Kamança”-“Xalça” 4-1 hesabları ilə bitib.
Turnirin 3-cü yerini «Novruz”, 2-ci yerini isə “Kamanca” komandaları tutub. Kubokun qalibi “Aşıq” komandası olub.
Xatırladaq ki, I mini-futbol yarışı 2016-cı ilin sentyabrın 16-da Şamaxı şəhərində keçirilib. 42-dən çox rayonu təmsil edən gənc mədəniyyət işçiləri 8 regional komandalar üzrə özlərini sınayıblar. Turnir davam edir.
Nəticədə, “Sabir” (Şəki şəhər və İsmayıllı regional mədəniyyət və turizm idarələri) və “Xətai” (Masallı və Lənkəran regional mədəniyyət və turizm idarələri) komandalar arasında keçirilən final oyununda “Sabir” komandası 4-1 hesabla “MEMM Kubok”unun qalibi olub.
.jpg)
Bütün xəbərlər Facebook səhifəmizdə
USD
EUR
GBP
RUB
