Əminəm ki, müsbət dinamika barədə danışmaq hələ tezdir. SİA Ermənistana məxsus aysor.am saytında yayımlanan məlumata istinadən xəbər verir ki, bu sözləri “Parlaq Ermənistan” parlament fraksiyasının katibi Qevork Qorqisyan aysor.am saytına müsahibəsində və baş nazir Nikol Paşinyanın bugünkü açıqlamasını şərh edərkən deyib.
"Mən belə bir açıqlama verməyə tələsməzdim. Əminəm ki, müsbət dinamika barədə danışmaq hələ tezdir. Bütün hallarda, ümid edirəm ki, bütün hərəkətlər qəsdən ediləcəkdir", deyə Qevork Qorqisyan bildirib.
Xatırladaq ki, baş nazir Nikol Paşinyan bu gün öz Facebook səhifəsində canlı yayıma çıxaraq demişdi ki, əgər bu həftə ərzində məhdudiyyət rejimini saxlasaq, onda gələn bazar ertəsi rejimin zəifləməsi və normal həyata qayıtması barədə düşünə bilərik.
Millət vəkili xüsusi ilə vurğulayıb ki, dünən səhiyyə nazirinin həyəcan verici bir vəziyyət olduğunu bildirməsindən sonra, bu gün baş nazirin nikbin qiymətləndirmələri gülünc səslənir.
"Mən dünən Arsen Torosyanın müsahibəsini gördüm. Deyir ki, infeksiya tempini dayandıra bilmirik. Hökumət üzvlərinin müxtəlif fikirlərindəki uyğunsuzluqları başa düşə bilmirəm. Bütün hallarda ümid edirəm ki, gələn bazar ertəsindən etibarən rejimi zəiflətmək və normal həyata qayıtmaq mümkün olacaq. Lakin, pandemiyanın geri çəkildiyini və ya infeksiyanın böyümə sürətinin dayandığını bildirmək üçün bir gün üçün kifayət qədər statistik məlumat yoxdur", deyə Qevorg Qorqisyan öz fikirlərini gizlətməyib.
Xatırladaq ki, Ermənistanda 6 aprel tarixinə təsdiqlənmiş koronavirus infeksiyası hallarının sayı 833 nəfərə çatıb, 62 nəfər koronavirus xəstəliyindən sağalıb, 736 nəfər xəstəxanalarda müalicə edilir.
Bütün xəbərlər Facebook səhifəmizdə
USD
EUR
GBP
RUB
