...Planetdəki insanların sayı artıq Yer kürəsinin ekosistemlərə zərər vermədən saxlaya biləcəyi səviyyəni keçib.
SİA xəbər verir ki, bu, tədqiqatçıların Environmental Research Letters (ERL) jurnalında dərc olunmuş nəticədir. Alimlər qeyd edirlər ki, sürətli əhali artımı qazıntı yanacaqlarının geniş istifadəsi sayəsində mümkün olub.
Bu, iqtisadi inkişafa təkan verib və həyat səviyyəsini yüksəldib, eyni zamanda təbii sərvətlərə təzyiqi artırıb. Tədqiqatçıların fikrincə, əhali artım tempi yaxın illərdə yavaşlamağa başlayacaq, lakin tamamilə dayanmayacaq.
Bu o deməkdir ki, ətraf mühitə düşən yük artmağa davam edəcək və potensial olaraq genişmiqyaslı böhranlara səbəb olacaq.
Bu arada, bəzi ölkələr artıq əks tendensiyanı müşahidə edirlər. Məsələn, Financial Times qəzetinin məlumatına görə, Yaponiyada doğum nisbəti rekord həddə - ildə 670.000-dən az doğuşa enə bilər.
Bu cür rəqəmlər yalnız 2040-cı ilə qədər gözlənilirdi, lakin demoqrafik azalma daha əvvəl sürətlənib.
Əli Babayev
Bütün xəbərlər Facebook səhifəmizdə
USD
EUR
GBP
RUB