ABŞ Konqresindəki Respublikaçılar, Prezident Donald Trampın qanunvericilik təsdiqi olmadan Qrenlandiyaya Amerika qoşunlarını göndərməsini qadağan edən qətnamə qəbul etməyi düşünürlər.
SİA xəbər verir ki, bu barədə 21 yanvarda Financial Times qəzeti məlumat yayıb.
Nəşrin məlumatına görə, bir Respublikaçı konqresmen Trampı adanı zorla ələ keçirməyə cəhd edəcəyi təqdirdə impiçment proseduru ilə hədələyib.
Partiyanın bir neçə digər üzvü prezidentin müharibə səlahiyyətlərini məhdudlaşdıran qətnamə gözlədiklərini bildirib. Sənədin Konqresin əksəriyyətinin dəstəyini alacağı gözlənilir.
Respublikaçı senator Tom Tillis 20 yanvarda Qrenlandiya ətrafındakı vəziyyəti "deeskalasiya etməyə" çalışdığını və Trampın bu məsələ ilə bağlı aldığı "pis məsləhəti" tənqid etdiyini bildirib. O, qətnamənin 100 senatorun üçdə ikisinin dəstəyini alacağına əminliyini ifadə edib.
Senator Rand Pol bu qiymətləndirməni təsdiqləyərək, "ən qətiyyətli" Respublikaçıların belə Qrenlandiyaya ABŞ-ın hərbi müdaxiləsini dəstəkləməyəcəyini vurğulayıb. Ötən həftə Senatda ABŞ ordusunun Qrenlandiya da daxil olmaqla NATO ərazisini işğal etməsini və ya ilhaq etməsini qadağan edən qanun layihəsi də təqdim edilib.
Həmmüəlliflərdən biri olan senator Liza Murkovski bildirib ki, "Qrenlandiyaya aktiv deyil, müttəfiq kimi baxılmalıdır". Respublikaçı olan nümayəndə Don Beykon qeyd edib ki, Qrenlandiyanı ələ keçirməyə cəhd "Trampın prezidentliyinin sonu" olacaq.
O əlavə edib ki, əksər respublikaçılar belə bir addımı əxlaqsız və səhv hesab edir və buna qarşı çıxmağa hazırdırlar.
Əli Babayev
Bütün xəbərlər Facebook səhifəmizdə
USD
EUR
GBP
RUB