...Elon Maskın xAI şirkəti El Salvador hökuməti ilə Grok çatbotu əsasında məktəblilər üçün genişmiqyaslı təhsil proqramına başlamaq barədə razılığa gəlib.
Layihənin ölkə daxilində 5000-dən çox dövlət məktəbində tətbiqi planlaşdırılır və şirkət özü bu təşəbbüsü süni intellekt ətrafında qurulmuş dünyanın ilk ümummilli təhsil proqramı adlandırır.
SİA xəbər verir ki, xAI-yə görə, Grok iki il ərzində El Salvador məktəblərində bir milyondan çox şagirdə dərs demək üçün istifadə olunacaq.
İdeya proqramın vahid yanaşmadan istifadə etmək əvəzinə, hər bir şagirdin tempinə, səviyyəsinə və maraqlarına uyğunlaşdığı fərdiləşdirilmiş təlim mühiti yaratmaqdır.
Elon Mask bildirib ki, Groku təhsil sisteminə inteqrasiya etmək "inkişaf etmiş süni intellekti bütün nəslin əlinə verəcək" və bu da süni intellektin yalnız yetkin mütəxəssislər üçün deyil, həm də erkən yaşdan gündəlik öyrənmənin bir hissəsinə çevrilməsinə səbəb olacaq.
xAI həmçinin digər ölkələrlə əməkdaşlıq etməyə hazır olduğunu vurğulayır və birgə layihələrdə maraqlı olan hökumətləri onlarla birbaşa əlaqə saxlamağa dəvət edib.
Əli Babayev
Bütün xəbərlər Facebook səhifəmizdə
USD
EUR
GBP
RUB
