...Almaniya Bundesveri Polşaya Belarus və Rusiya ilə sərhədlərinin möhkəmləndirilməsində və müdafiə divarının tikintisində kömək edəcək.
Almaniya Müdafiə Nazirliyi 13 dekabr şənbə günü Polşanın Belarus və Rusiyanın Kalininqrad vilayəti ilə sərhəd bölgəsində 2026-cı ilin aprel ayından başlayaraq həyata keçirdiyi “Şərq Qalxanı” əməliyyatında onlarla alman əsgərinin iştirak edəcəyini açıqlayıb.
Alman Müdafiə Nazirliyinin sözçüsü izah edib ki, Polşanın şimal və şərqindəki alman əsgərlərinin əsas vəzifəsi “mühəndislik işləri” olacaq.
Xüsusilə, o, bunu “istehkam tikmək, xəndəklər qazmaq, tikanlı məftillər çəkmək və tank əleyhinə maneələr qurmaq” kimi təsvir etdi.
SİA-nın məlumatına görə, bir gün əvvəl “Bild” qəzeti Polşa Müdafiə Nazirliyinin dövlət katibi Pavel Zalevskinin alman həmkarı Nils Şmid ilə birlikdə Malbork Hava Bazasında jurnalistlərə danışarkən Bundesver əsgərlərinin Polşaya göndəriləcəyini elan etdiyini bildirib.
Bir neçə onlarla alman əsgəri Polşaya göndəriləcək.
Alman Müdafiə Nazirliyinin məlumatına görə, “Şərq qalxanı” əməliyyatında quru qüvvələrindən və dəstək qüvvələrindən onlarla əsgər iştirak edəcək.
Nazirlik aydınlaşdırıb ki, bu missiya Bundestaq mandatı tələb etmir. Bu əməliyyat zamanı "hərbi toqquşmalardan əsgərlər üçün heç bir təcili təhlükə gözlənilmir".
Polşa hakimiyyəti Şərq Qalxanı layihəsinə 2024-cü ilin may ayında başlayıb və onun 2027-ci ilin sonuna qədər davam etməsi planlaşdırılır.
Əli Babayev
Bütün xəbərlər Facebook səhifəmizdə
USD
EUR
GBP
RUB